Ние и тие (спорогоречкиот Оф.нет и брзорастечката 1ТВ) сме толку различни светови што стварно мислиме дека нема потреба да се мешаме (иначе со гушт ќе ги рецензиравме оние анбиливибл интервјуа со нивниот газда). Но, ако веќе тврдиме дека се бориме за култивирање на публиката и јавниот простор, да си кажеме нешто поштено:

ТВ прилог за тоа како „градоначалникот лично му го подари компјутерот на командирот на полициската станица“. „Посакуваме да си го служат со здравје“ ќе каже дарителот, но и отворено ќе даде до знаење дека од својата хардверско-софтверска донација не очекува баш малку:

Требаше да налетаме на прилог на Ал Џезиера за да дознаеме што имаме по дома. Две македонски новинарки, пред година дена решаваат да ја покренат единствената рурална станица во Македонија. Па браво, почнал и подмладок да доаѓа. Не им ја знаеме програмата ама концептот ни е одамна познат: прави го она што го сакаш и знаеш и не заборавај дека без разлика дал си урбан или рурал, најмногу ќе те замараат копита.

Ѓоко Ѓорчев, кого, нели, некои го нарекуваат „македонскиот Том Џонс“, во оваа емисија еднаш го најавија како “македонскиот Том Џонсон“(?!).