Допрва е март а ние веќе го поделуваме Пулицер за годинава.

Лупевска е станата прав мадафака и Џедај. Еве ја приказната која (ќе видите, тотално непотребно) била отфикарена од емисијата „Код“, а која е поучна по многу аспекти.

Додека другите медиуми возбудено открија вест од 2001 година (прво ја тераа како нова, па дополнително ја ситуираа во времето), МТВ извести за она што е реално ново околу депонијата. Само што спикерката им репна таква драконска казна, инценераторот да им прегори. 

„Ваква силуета е многу тешко да се види на овие простои, а и пошироко“ ќе ѝ признае водителот на својата соговорничка, инаку сопственичката на наведената силуета. Рубриката им се вика „На кафе во Штип“, но агзотичниот водител ќе дополни: „Сега немаме кафе пошто ситуацијата е сосема друга. Имаме базен...“ Не се секирајте, нема да го сркаат базенот.