20 годишна хрватска „инфлуерсерка“ (инфлуенсерка обично е девојка со површни знаења и вештини а со вишок време која за прашање кое никој не ѝ го поставил, вика „Сите ме прашуваат...“) на ресторан од Пореч му понудила „компензација“: тие неа да ја угостат бесплатно а таа да го фотне тоа и да ги тагне на Инстаграм (тие тоа го викаат „интернет маркетинг)“. Аха, ок.

Јас одев секое сабајле по леб а тато поручек пиеше на најголемата вруќина.

Хеви метал кластер на софиските протести, кај Орлов мост. Ако си против Бојко, во Бугарија не важат здравствените протоколи. А и генерално, тешко e да правиш шутка со држење социјална дистанца.

Бугарскиот европратеник Ангел Џамбаски е доказ дека душмани не ни се сите Бугари туку баш најглупите Бугари. Овој конкретно е толку глуп што е спремен на долго и нашироко да ги објаснува убавите страни на воведувањето воен рок, а самиот нема служено војска. Се вадел дека студира, сè додека не престарел за во војска. Пошто студирал 12 години. Е, доживеавме вакви ќорци од луѓе да ја нишанат Македонија.

„Летвичката за пијанство е подигната“ пишавме кога досегашниот шампион, 35 годишниот Иван Т., се обиде да го премости проблемот на кој наишол. Сега летвичката е нешто спуштена, ама пак шапионски.