Опозицијата го ребрачи Бојко Борисов правејќи му спот како излезен од видео продукцијата на весникот „Работническо дело“, повеќедецениски орган на ЦК на БКП. Со спикер и атмосфера која во некои овдешни кругови се доживува како „администраторска“. „Имате ли по-опитен од мен?“ ќе праша најгабаритниот син на бугарските народи и народности.

Како да не е доволно што онаа лајава, невоспитана сељачина Карлеуша упропастува зрели вокали на возрасни луѓе со нејзините идиотски критики и совети, дај да ги утепаме уште кога се мали (за да имаме помалку работа подоцна).

Махерски римејк на рефренот на химната на упокоената Југославија. Со Северина, со поента, со сè.

Носете маска. Земете кеса. Симнете ја маската и лизнете го прстот за да можете да ја отворите кесата. За да можат и други да учат од вашиот пример, направете го тоа пред камера.

Србин (од југот на Србија, онаму кајшто се зборува најурнебесно) ребрачи другар кого го пријавил за вакцинација дека од таа вакцина (само што кажале на вести), во Данска, од 730 вакцинирани, умреле 230 луѓе! Да видите како се свири повлекување!

Нели викендов има избори во Бугарија. Затоа, аман-заман, драги наши (помлади) браќа, памет во глава, дајте нека победат тоа социјалистите! Не дека ние нешто посебно нив ги обичаме, ама, ако не испадне по нејзино, оваа Вондер воман може голема да ја прави.

Слушнете еден млад и истакнат босански политичар, сетете се на советникот на Заев, Алекс Ружин, и одма ќе ви стано јасно зошто на двете земји слично им оди. Арнел Исак, министер за просторно планирање, сообраќај и комуиникации во зеничко-добојскиот кантон и кандидат за градоначалник на Зеница. Само чујте која е тоа дилајла.