Анкета на некоја црногорска телевизија за тоа што мислат луѓето за новиот мандатар Миодраг Лекиќ. За среќа, наидуваат на млад човек. За уште повеќе среќа, се работи за млад човек кој студира политички науки, трета година. А после доаѓа удар на искреност.

Да беше роден во Франција, може ќе пееше за „биф бургињон“ или „киш лорен“. За среќа, Драгољуб Ристиќ Лаки е роден во Лесковац па му се падна полесно. Чевапчичи, уштипчичи. Стварно, оди ти опеј „карамелизирано суфле со чиа и фламбиран сос од редукција на цвекло.“

Ви предлагаме видеото прво да го одгледате без звук за да видите колку луцидна а ефикасна идеја е тоа, а потоа да пуштете звук и уште еднаш да се уверите дека не постои добра идеја од која наш човек не може да се изнервира.

Шпанија и Баскија ја имаат Герника на Пабло Пикасо, која го доловува ужасот на бомбардирањето на Луфтвафе. Азра ја има „Полска во моето срце“ како химна за тамошното слободарско мрдање во доцниот социјализам. Сега е ново време кое носи нов дух, со свои ужаси и предизвици. Ете, и тоа е сега опеано, согласно надежите на српскиот сточар.

Прејака сељачка синхронизација на филм со Шварценегер на најшармантниот дијалект на српскиот, оној јужњачкиот од линијата Ниш - Врање - Лесковац, фамозниот српски бермудски триаголник во кој исчезнуваат падежите. „Ту где црнац гурне дупе, ту куче прво апе.“ Нема друго, ќе се учат реплики на памет.