Комшиски добра вест за сеир: цел интернет им се смее на Бугарите за тоа колку им се бескорисни новите велосипедски патеки (за кои добиле пари од ЕУ). Самопоразувачка лоша вест: подобри им се од нашите.

Белградска веб екипа пробува да открие што стои зад една од најголемите мистерии на светов, зошто пензионерите најчесто шетаат со рацете позади. Одговори и објаснувања има секакви, последниот ни се чини најблизок до вистината.

Ок, Ријана баш се потрудила да го привлече нашето внимание со последниот спот ама не дека и на овие простори нема уметници кои не штедат ни труд, ни време, ни пари ни идеи за да ни ја јако визуелизираат својата песна. Одиме значи со Кемал Маловчиќ, Јужни ветар и песната "Згодна, а сама" (јес!). Пазете, ова е понудено како официјален видео спот, ако налетате на некој друг, да знаете дека се работи за ефтин плагијат.

Катерина Муцацу живее и работи во Лос Ангелес (актерка, продуцент, писател) и е убава, згодна и на прв поглед, бааги луда Гркинка. Слушнете го нејзиниот хеленистички манифест еднаш, двапати, трипати.... колку што треба пати и пак ќе се прашате: Не, стварно - што уствари сака она? Ако го гледате како пародија, тогаш е пасент.

Во енциклопедијата на маалски теории на заговор за најразлични случувања на Балканот, оваа заслужува да има посебен том. Објавено е како ФБ коментар, ама ние чисто заради добро на Балканот сакаме да мислиме дека е спрдачина на авторот, а не сериозно бранет став по локални биртии и на клупа муабети.

Можеби и не се Босанци ама фризби секако е. Додуша расипано. Сцена од една плажа која ја покажува цела широчина на балканскиот дух. Дека играњето може да биде забавно дури и кога во раце се има очигледно неисправна играчка.

Бугарскиот хип-хопер Спенс резимира како од големите сонови за Бугарија која излегува на три мориња земјата заврши како европско гето со елита од фолк пеачки и новинари со жолти наочари. С'што като кај нас.

Драган Петровиќ е српски фотограф роден во 1958-ма. Фотографира за весници и магазини, а затоа што од тоа не се живее како што треба во последниве 30 години слика и свадби низ Србија. Веројатно најживописната збирка фотографии што се појавила на овие страници. Од што не може да се решиме која е подобра, ви лупнавме 80 слики за гледање.