„Потресно“ сведоштво на нишлија кој организирано отишол во Белград да демонстрира за Вучиќ. Откако ги ислуша неговите маки, кои се сведуваат на тоа што другите автобуси имале не само сендвичи, туку и банани и јаболка (еј, и банани!), водителката со емпатија на најјако му кажа: „Бар вам је било лепо време“. Цареви!

Едно време Белград и Србија искрено се бореа за опстанок на Студио Б, медиум кој беше редок глас на разум и нормалност во зовриените воени години. Богами вредеше. Денес на Студио Б имаат полна слобода да решат дали вестите ќе ги почнат со „Гледате вести“ или пак со „Ова се вести“.

Бугарска реклама инспирирана од филмот Титаник. Двајцата тие, застанати на нос на бродот, доаѓаат до леден брег, тоест ајсберг. После тоа бугарскиот Леонардо ќе напише програмски ред во својот лаптот и на крај тие двајцата, заедно со уште неколку млади црепови, ќе наздравуваат со пијачките и најкилаво на свет ќе викаат: „Ајс, ајс, бејби.“ Тоа. Европо, што не кажуваш вакви работи?  

Мал увид во еден потенцијално министерски ум по кој луѓето се жалат само затоа што се размазени. Пази богати, а тоа што што на вратата пишува „Влез“ (како да не се знае дека е влез), туку и од другата страна на вратата пишува „Излез“. Босанци, махери.

Српскиот јавен сервис беа фатени како во пренос од говорот на Макрон уфрлуваат фингиран стоп кадар од Вучиќ. Веројатно вториов го имало секунда -две, ама после овие од РТС го уфрлувале уште неколку пати, да не го утнал некој а и за да се добие впечаток дека француските камери го обожаваат српскиот претседател. Да не беа греота оние луѓе, човек да си рече: Малку ги бомбардираа, памет не им доаѓа..

„Добриот и будалата се двајца браќа. Јас на брат ѝ му ѕидам куќа а таа... Дознав кај живее оној мамлаз. Вечер ќе испијам две-три кила вино и одам да ги испозаколам“.