Во будистичкиот зен малку потешко е да продреш. Тоа треба читање, посветеност, упорност, трпеливост. Балканскиот зен има еден битен шорткат.

Уште од спотот на Боб Дилан со Гинзберг во позадина за песната Subterranean Homesick Blues, овој вид на пауер поинт презентација со листање аналогни слајдови претставувал моќен начин да се нагласи и засили некој текст или порака. Тоа го знае и овој мега-цар кому му извадиле муабет дека е глуп. Јас глуп? Сега ќе прочитате нешто!

Еве го пак овој што го имавме пред некој ден, што им вади душа на судии со сачекуши, снимање и викање. Еден од нив го има репнато со бааги отштета за навреда (на некој што овој го смета за педофил), па сега не им дава на раат ни да пијат кафе ни да одат на работа. Штета што овој жанр, кај нас го девалвираше онаа дворска будала која сега функционира како куќна помишничка.

Пратеник од Република Српска (Небојша Вукановиќ) начекува двајца судии од судот во Требиње во кафеана, во десет ипол сабајле. И има што да им каже, едно цели десет минути, пред да биде однесен во полициска станица. 

Имаме дополнување на онаа проценка дека секоја беља на оваа планета ќе ја преживеат само бубашвабите и глупоста. Значи, да се разбереме,  и бугарските матуранти. Еве ги нив во оваа пандемиска година, спремни како и секогаш, во некоја квартална крчма да направат нешто нетипично.

Сопруга на пасиониран риболовец го снима својот маж и го коментира неговиот бестрашен обид да најде подобра пол позиција во надојдената река. Започнува со едно саркастично „ма браво“, завршува со едно сочно „сунце ти јебем!“

За да го засили нивото на вакцинација, Србија реши да дава пари, односно вредносни ваучери за оние кои ќе решат да се вакцинираат. За познавачите на човечките менталитети, беше само прашање на ден кога ќе се појави некој ваков.

Зборуваат за нас, за Македонија. Водителката инсистира  овие пратеници и гости во емисијата да ја именуваат земјата за која зборуваат, ама, ќе чуете и сами колку пати се спомнува било каква Македонија. Николку, согласно стратегијата на владата на Мицотакис, наместо Скопје, сега да не нарекуваат „соседната земја.“ Пресреќни сме, нели, баш ни се патуфка накај Паралија....

Се чини дека на ова кафанско друштво во мешан, машко-женски состав, никој и ништо не може да им го расипе расположението, сè додека не влегува таа, за со својот сугестивен молк убедливо не завладее со просторот. Од промената кај најраположениот (му отиде држењето ритам во фејд-аут), јасно ви е во каква релација се тие двајца. Толку јака сцена, што неколкупати ја гледавме и во ВАР.

Крајно ретко објавуваме вакви трауматични видеа, меѓутоа некогаш мора и нив да ги имаме чисто да стојат како предупредување за трагедиите што може да ги донесе животот.