За што се новогодишните и божиќните празници, ако не за да минеш време со најблиските уживајќи во испраќањето на уште една година... или евентуално со другарите. (Бонус, музиката.)

Српска верзија на традиционалниот православен божиќен поздрав. Звуците на калашот велат "Христос се роди" а отпоздравот гласи: "Доста јебо те, ваистину се роди".

Српскиот претседател реши со кинескиот премиер да го сподели старото креманско пророштво кое вели: "ќе дојдат жолти луѓе од исток и ќе пијат вода од Морава..." Неговиот идеолошки близнак по прашање на четништвото, Бора Чорба, своевремено исто имаше што да каже за Морава.

Ако еден национален јазик може да биде ранет со негова злоупотреба, тогаш јазикот на кој Гете го беше напишал Фауст, после оваа песна е мртов. Рилке, Хајне, Фихте, Шелинг, Бекенбауер, ... примете го нашето најискрено сочувство.

На сцената се појави пред повеќе од 10 години. И нејасно е како покрај ваков стиховен горостас некои сè уште се осмелуваат да се занимаваат со хип-хоп. Невиден фристајл мајстор на овие простори и гранитна морална вертикала на Балканот!

Ненад Чанак веројатно уште го знаете, на ваша среќа ЈУЛ (а уште помалку некогашниот портпарол Иван Марковиќ) веројатно не ги знаете. Ова им е една кореспондеција од 2000-та.

Заради немање електрична енергија, граѓаните на Мајданпек неколку дена смрзнуваа во своите домови и малото рударско градче се наоѓаше пред евакуација. Ќе го видите ресорниот министер за енергетика Александар Антиќ како пред камерите на долго и широко ја демонстрира сета своја загриженост за тие луѓе, сè додека природата не реши да му покаже дека мразот не е нешто што им се случува само на други луѓе. Ау, како кармата знаела прецизно да гаѓа!

Секоја сличност со денешните настани е неверојатна и сепак случајна. Изјавата на Ѓинѓиќ е од пред 12 години и дадена е за весникот Глас Јавности, по повод кандидатурата на Шешељ за претседател на Србија.