Саудиска Арабија го славеше денот на независноста, а своја интерна прослава организираше и Ал Наср во која го вклучи и најплатениот фудбалер во историјата. Се појави со сабја и традиционална облека.

Понесени од пресот на Пеп кој проблемите со грлото на Де Брујне ги објасни во стил на комичар, на работа фативме да ги споредуваме прес конференциите на нашите тренери со оние во Италија, Шпанија, Англија... Колку се они понапред, отворени, инвентивни, храбри, често пати и заебанти. Нашиве како на парастос. Два различни света.

10 јуни, Олимписки стадион Ататурк. Тоа е датумот и местото на одигрувањето на финалето од Лига на шампиони, на кое Ливерпул нема да игра, освен ако не го победи Реал на гости 0:4 па им тргне до крај. Закажано, па откажано. Причина: Клоп ме излажа.

Фудбалерите на Интер со 1:0 го совладаа Порто во првиот дуел од осминафиналето. Стрелец во самиот финиш беше Лукаку, во моментите кога гостите играа со играч помалку. Во Германија, Лајпциг и Сити ремизираа.

Со головите на Марез и Гвардиол, Лајпциг и Манчестер Сити одиграа 1:1 на првиот осминафинален дуел од ЛШ. Во судиското продолжение имаше несфатливо чудна одлука, кога Бенџамин Хенрикс не со една, туку со две раце направи пенал. Гостите се бунеа, ама ни судија реагираше, ниту ВАР имаше.

Вечерашните противници во Лига на шампиони, последен пат се сретнаа во осминафинале сезоната 2004/2005. Интер на гости одигра 1:1, а дома победи 3:1. На клупа беше Манчини и ги имаше славните Матераци, Ѕанети, Верон, Камбјасо, Станковиќ, како и во тоа време извонредниот Адриано кој блесна со три погодоци.

Германски Скај организирал необичен настан. Две групи млади луѓе навивачи на Борусија Менхенгладбах и Баерн Минхен ги гледаат своите клубови, пренос во живо, но не смеат да испуштат глас. Има судија кој дели казнени поени за тимот чиј член ќе испушти глас. Победникот добивал пристојни награди.

Наполи знае многу добро да погоди трансфер. Во 2020-та за Виктор Осимен на Лил му платија 70 милиони евра, рекорд за африкански фудбалер. Дечкото гази и стана миленик во градот. Сезонава има 20 гола на 24 средби на сите натпреварувања и е прв стрелец во Серија А. Деца во Неапол почнаа да се маскираат во Виктор Осимен.

Фудбалот бил единствена шанса на Виктор Осимен да куртули од големата сиромаштија во која живеел. Во детство останал без мајка, почнал да работи на 6 години, а во 2018-та година не можел да најде клуб и добил отказ во Белгија. А денес Барселона, Реал Мадрид и другите гиганти прашуваат колку треба да дадат за него.

Чилеанецот Марселињо Нуњез кој има 22 години и игра за Норвич, го постигна голот на сезоната во англиски Чемпионшип. Неговиот тим го победи Бирмингем 3-1, Нуњез даде два гола од кои еден му беше невозможен а имаше и асистенција за гол.

Вечерва продолжува Лига на шампиони, а Манчестер Сити гостува кај Ред Бул Лајпциг во Германија. На прес пред мечот, Пеп Гвардиола одговарал на новинарски прашања, а сликовито објаснил зошто не допатувал најдобриот играч во тимот, Кевин Де Брујне.

Во својата петта сезона во Амстердам, Душан Тадиќ стигна до убав јубилеј од 100 гола за Ајакс. За подвигот, децата во основното во Бачка Топола каде што завршил, добија 100 нови топки од клубот. Каков гест во чест на капитенот.

Наполи сезонава е сериозен тим кој дроби во Италија со неверојатна предност од +15 пред второпласираниот Интер. Истовремено се заканува и во ЛШ, каде ја освои многу тешката тврдина на Ајнтрахт Франкфурт. И тоа со страшна доминација од 67% посед на топка, 17:5 во удари од кои 10:1 во рамки на гол. Откако Осимен го отвори резултатот, младиот Грузиецот кој веќе стана ѕвезда, му сервираше многу мангупска топка на Ди Лоренцо за конечни 0:2.

Тимот на Јирген Клоп игра сезона за заборав. Паралелно со очајните резултати во Премиер лига, каде пркнаа последниве две кола, се соочи со дебакл уште во осминафиналето од ЛШ. Од 2:0 против Реал, пукна срам со пораз од 2:5. Осимен и Ди Лоренцо се изборија за ветувачки резултат на Наполи кој доминираше во Германија со 67% посед на топка и 17:5 во удари. Кварацхелија промаши пенал, Елмас влезе во 80-та.

Ливерпул и Реал Мадрид приредија уживање во првите 45 минути за сите пари. На брзите голови на Нуњез и Салах после 14 минути игра, Винисиус возврати со два комада за 15 минути. По киксот на Куртоа, слична глупост направи и Алисон.

Осминафиналето Ливерпул - Реал Мадрид, како реприза на финалните битки во 2018-та и 2022-ра, стартуваше спектакуларно со многу рано водство на домаќините од 2:0. Тибо Куртоа капитулираше очајно лошо во 4 и 14 минута, прво со Дарвин Нуњез кој му изрежира супер атракција, а потоа против Салах на кој практично му подари гол.

По примерот на својот соиграч и другар Гави, младиот Педри на еден настан се фотографирал и делел автограми на присутни навивачи на Барселона. Во еден момент една девојка му додава ливче а шпанскиот репрезентативец го става во џеб.

Во последните неколку години сè почесто дека Марко Асенсио ќе го напушти Реал Мадрид, а како следна дестинација изненадно се споменува Барселона. Одамна немало голем трансфер меѓу вечните ривали, а најпознат е оној на Луис Фиго кој направи голем потрес.

Португалската екипа Арука игра сосема пристојна сезона. После 21 коло во Примеира, седми се на табела со 8 победи, 6 нерешени и 7 порази. Освоиле досега 30 бода. Необично со овој тим е што примиле три најбрзи гола во португалската суперлига.

Кај Англичаните селски фудбал е познат под терминот Sunday League, односно фудбал за прави гурмани и мераклии. Така минатиот викенд на мечот меѓу тимовите Трупер и Норт Солихал Атлетик имало типични „ројкиновски“ или ако сакате „полмерсоновски“ стартови.

Кога ги гледаме дечкиве од Њујорк Колеџ и Орегон Универзитетот во култната Медисон Сквер Гарден во САД, не останува друго туку да се запрашаме колку бода би им бегале на табела на денешните тимови кај нас?

Без разлика што во Франкфурт вечерва од 21 часот гостува лидерот од Серија А кој игра многу убедливо сезонава, актуелниот првак на Лига Европа најавува дека е гладен за успеси. Се потрудиле бајаги со трејлерот, со стари снимки од нивното прво соочување во 1994-та.

Две официјални понуди за купување на мнозинскиот пакет акции во Манчестер Јунајтед веќе стигнале на „Олд Трафорд“. Една е од Шеик Јасим Бин Хамад Ал Тани, а друга од најбогатиот Британец, милијардерот Сер Џим Ратклиф.

Центарфорот на македонската репрезентација игра во сјајна форма за унгарски Дебрецен. Неговиот тим е во добра серија победи, а Дориан чиј соиграч е легендарниот унгарски фудбалер Балаш Џужџак, веќе има 9 гола на своето конто и е четврти стрелец во силната унгарска лига. На гостувањето кај Хонвед, помладиот од браќата Бабунски постигна два прекрасни гола, а неговиот тим на крај славеше 2-3 со погодок со пета на Манце.