Кинезите решија своите капацитети за вештачка интелигенција да ги ангажираат во корист на одгледувачите на свињи, а исто така почнаа да се плеткаат и во рударската индустрија.
Изборот на свињарство е затоа што Кина е најголемиот одгледувач на свињи во светот, и моментално е дом на половина од сите живи свињи на планетата.
Меѓутоа ваквата бројка не е проследена со идентично високо ниво на технологија, заради што намерата на Хуавеи е да го модернизира свињарство во земјата со помош на вештачка интелигенција која ќе открива болести и ќе ја следи популацијата на свињи. Освен ова, нивната технологија за препознавање ликови ќе биде искористена за идентификување на поединечни свињи, а ќе може да се следи и дневната исхрана, тежина и активност на свињите.
Кај рударството намерата на Хуавеи е да развие технологија за рудниците на јаглен која ќе доведе до „помалку работници, поголема безбедност и повисока ефиканост“ а ќе им овозможи на рударите да „носат одела и вратоврски“ на работа.
Затоа што од Трамп беа етикетирани како закана за американската национална безбедност, Хуавеи и понатаму нема пристап до клучни компоненти за производство на смартфони. Новите анализи тврдат дека Хуавеи годинава до 60% ќе го намали производството на смартфони.
