Според Ли Јанг-гук подготовките вклучуваат традиционални методи, физички и тактички, ама голем дел од тренингот е идеолошко перење на мозокот. Заради идеолошкиот тренинг тој (и останатите колеги) одреден период верувале дека Ким Јонг Ил е Господ, а дека негова единствена цел на земјата е да му служи и да го брани "Драгиот Лидер."
Во периодот додека бил покрај Јонг Ил, тој го опишува лидерот како "дволичен човек" кој може да ти даде злато кога е среќен и да те осуди на смрт кога е несреќен.
"Кога Ким Јонг Ил ќе пристигнеше во своето возило, 60 до 70 годишни советници се разбегуваа и се фрлаа себе си во тревата. Ќе се направеа лом, ама сакаа да избегаат и да се скријат од него. Тие се исплашени затоа што дури и кога тој беше среќен тој може да биде непријатен и да им ги отсече главите," објаснува телохранителот.
Ли Јанг-гук десет години бил телохранител на младиот Јонг Ил, се до неговото доаѓање на власт. Во 1994-та тој е фатен во обид за бегство и е пратен во политичкиот камп Јодок. Од таму некако успева да пребегне во Јужна Кореја.
