Помалата ќерка на Чо Јанг-хо, Чо Хјун-Мин, која е маркетинг директорка во авиокомпанијата, е под истрага од полицијата за напад откако на еден човек му истура вода во лице за време на состанок.
Четири години постарата Чо Хјун-ах, стана глобално позната за тоа што избрка еден член на посадата на авион откако и биле послужени апетисани во кесичка, наместо во чинивче.
„Како претседател на Кореан ер, и како татко, ужасно се чувствувам за недораснатите постапки на моите ќерки. Сè е моја вина и моја грешка. Сакам за ова да им се извинам на луѓето,“ порачал Чо Јанг-хо во својата изјава.
Полицијата минатата недела објави дека започнува истрага за помалата ќерка околу инцидентот од состанокот. 34-годишната Хјун-Мин во меил на сите кои работеле со нејзе им се извини за нивното однесување, меѓутоа негираше дека некому фрлила вода.
Во инцидентот со апетисаните од 2014, Хјун-ах, тогаш потпретседателка на компанијата, присилила две стјуардеси да клекнат на колена и да ја молат за прошка во авионот кој се подготвувал да лета од Сеул за Њујорк. На едната и дозволила да остане, додека другата била исфрлена пред полетување. Хјун-ах за ова заврши во затвор, и одлежа казна од неколку години по што во март годинава се враќа како директорка на еден од партнерските хотели на Кореан ер.
