Што е следно по падот на Северодонецк, по крахот на целосната западна аналитика околу решителноста на Москва да ја добие војната, по неуспехот на Западот да ја сфати длабочината на омразата и презирот што Путин ја има кон нив?

Суверенитет не е нешто варливо, или го имаш или го немаш. Ако го имаш ќе видиш по одлуките што ги носи твојата држава, а ако го немаш ќе забележиш многу доцна, обично кога ќе те снема.

Сценографијата на двете прослави беше упадливо различна, ама крајната порака беше копи/пејст. Ветувањето и на Путин и на Зеленски е дека победиле тогаш, и дека ќе победат и сега, ко па да може да има некоја вистинска победа.

Во центарот на Киев, на местото каде што порано имаше споменик на Ленин, вчера беше поставена скулптура која неодоливо потсетува на ликот на Путин со пиштол во уста. Автор на скулптурата е Дмитро Ив а неговата порака до „Путлер“ е „Застрелај се“.

Во масовната чистка на Федералната служба за безбедност најлесно минаа тие што останаа само без работа, а најтешко, за сега, поминува нивниот шеф и раководител на одделот за Украина, Сергеј Беседа, кој заврши во затвор под управа на ФСБ во близина на Москва.

Пјер Конеса е поранешен заменик директор за стратешки работи на француското министерство за одбрана, а инаку автор на неколку книги за геостратегија. Тоа што пред некој ден Конеса го дебатира на француската телевизија се однесува на можноста за вадење на Путин пред судот во Хаг.

Слика на двајца моќни руски политичари и функционери, и еден речиси анонимен советник на градоначалникот на Санкт Петербург кој „знае да заврши работа“.

Меѓу другото, Мајк Бејкер, објаснува дека Американците имаат проблем да најдат некој близок на Путин со кој можат да работат. А како ги наоѓаат такви? Па лесно, главно со добро, ќе гледаш да му помогнеш на некого „чие дете има здравствени проблеми, или ќе му го запишеш детето на факултет во странство...“. Исто така, нема поранешен агент на ЦИА.

Во ретко срцепарателно интервју банкротиран руски олигарх се обидува на западните медиуми да им објасни дека руските милијардери главно немаат никакво влијание врз Путин, па со тоа тие за џабе ги јадат санкциите од Западот.

Социјалната мрежа направи исклучок од својата бланко забрана за користење на платформата за повикување на насилство, и одлучи дека повикување на убиство, смрт и слично е дозволено кога се работи за некој што стварно не го сакаш. Денес тој некој е Руската федерација, Путин и компанија.

Во испегланите извештаи за јавност има само фрази од типот „постигнат е напредок“, „двете страни ќе ги продолжат контактите“ или „беше изразена загриженост“. И зад такви фрази се кријат повеќечасовни разговори чија содржина никогаш нема да ја дознаеме, но овие четири слики од Макрон прилично ја доловуваат атмосферата.

Елиминирањето на Путин е едно од можните решенија за ставање крај на војната во Украина, ќе порача поранешниот директор на француското воено разузнавање, Кристоф Гомар.

„Некој во Русија треба да се охрабри“ ќе порача во живо на телевизија еден од највлијателните републикански сенатори, Линдзи Грем, повикувајќи некој близок од кругот на рускиот претседател да го убие Путин.

Војната во Украина е трагедија и „дефинитивно е нешто што требаше да биде избегнато“ порачува поранешниот советник за надворешни работи на Думата, Андреј Кортунов.

Рускиот претседател можеби е меѓу најјаките меѓу колегите, ама не може со Диего Армандо Марадона, кој го има “издриблано“ и тоа на гостински терен.

Путин што го анектираше Крим се грижеше што ќе се случува утре. Путин што ја објави инвазијата на Украина се грижи што за него ќе пишува во учебниците по историја.

Кратко по состанокот на Советот за безбедност на Русија, Путин телефонски им соопшти на Макрон и Шолц дека ќе ги признае како независни сепаратистичките региони во Украина - Народните републики на Доњецк и Луганск. По ова имаше телевизиско обраќање кое го почна со тоа дека Украина е творба на комунистичка Русија.

Отворањето на Зимските олимписки игри е на 4 февруари, односно следниот петок. Овој петок пак е крајниот рок до кој САД се обврзаа дека ќе и ги испратат на Русија безбедносните гаранции што ги договараа во Женева.

Првиот се вика Владимир Путин, втората е Ангела Меркел, а третиот е Барак Обама, и пред да бидат овие имиња биле само луѓе што требало да извадат некоја пара за живот.

Доколку рускиот претседател се кандидира и победи на претседателските избори во Русија во 2024, тогаш Америка да не го признае за претседател на Русија, стои во предлогот на американските конгресмени.

Претседателите на Русија и Белорусија потпишаа пакет од 28 сојузни програми чија главна цел е подлабоко интегрирање на двете држави, како дел од планот за создавање една „Сојузна држава“.

На почетокот од своето владеење Путин бил подготвен Русија да влезе во НАТО, но под два, чисто бирократски, услови: тоа да биде по брза постапка и да не го тупат со процедури.