Исто како и пред пет дена во Рејкјавик, така и во Скопје се остварија очекувањата дека повторно ќе гледаме многу тежок и неизвесен натпревар во кој ќе решаваат нијанси.
Тоа го најави и капитенот Кире Лазаров, свесен дека Исланд сепак е респектабилна репрезентација која според квалитетот е во топ 10 во Европа.
Македонија беше многу блиску до уште една голема победа против силниот противник, но гостите во драматичната завржница успеаа да го искористат последниот напад и да стигнат до конечни 24:24. Брестовац свика тајм аут, но 3 секунди беа премалку за да се организира напад.
Нашиот национален тим имаше негатива од 10:11 по првиот дел, а првото водство на мечот го имаше во 17-та минута. Ниту една од двете селекции не успеваше да се одлепи повеќе од +2.
И на почеток од второто полувреме гостите го диктираа резултатот и овој пат стигаа до непријатени +3 (12:15). Но на 15 минути до крај, нашите со помош на капитенот се изборија за пресврт и поведоа со 19:18.
Од тогаш може слободно да се рече дека почна драмата. Македонија имаше шанса и за повисока предност, но не ја искористи приликата. Во последните 5 минути Исланѓаните го израмнија резултатот по кој паднаа уште по два гола на двете страни.
Одлична партија во нашиот национален тим имаа Лазаров со 8 гола и Борско Ристовски со 12 интервенции, а Манасков и Талески постигнаа по 4 гола.
Македонија квалификациите ги продолжува во јуни кога гостува кај репрезентацијата на Турција, а потоа во последното коло ја пречекува Грција.
