За популаризација на новата Супер лига во Индија која е сочинета од само 8 клубови ќе работат повеќе ѕвезди кои се пред пензија, а најновото име кое денеска постигна договор со клубот Мумбаи е поранешниот француски репрезентативец кој не се изнаигра минатата година во Премиер лигата.
Ањелка е еден од фудбалерите кои се изнашета во повеќе европски клубови, а имаше и една авантура во Кина. Голем удел да заигра во новоформираната куса лига која трае од 12 октомври до 20 декември имало собирот на ѕвездите и талентираните играчи од Индија.
Факти за Ањелка:
- Кариерата ја почна во ПСЖ каде играше на два пати, а беше дел и екипите на Арсенал, Реал Мадрид, Ливерпул, Манчестер Сити, Фенербахче, Болтон, Челси, Шангај Шенхуа, Јувентус и ВБА.
- За Франција има одиграно 69 меча, но репрезентативната кариера ја заврши неславно на Светкото првенство 2010 година во Јужна Африка кога по кавгата со селекторот Рајмонд Доменек, беше пратен дома предвреме.
- Со суспензија се соочи и во Реал Мадрид откако одби да тренира, но потоа се врати на терен и ја освои Лигата на шампионите во 2000 година.
- И покрај неговиот незгоден карактер тој успеа да оствари богата кариера во која постигна над 200 голови на сите натпреварувања и освои трофеи со 6 екипи.
- Пред 10 години одлучи да ја смени верата и да стане Муслиман под името Абдул Сала Билал, а во интервју во 2009 година изјави: Ме држи посмирен и постабилен кога не сум на терен.
- Последниот негов клуб е Вест Бромвич Албион кој не сакаше да му го продолжи договорот.
- Минатата сезона беше суспендиран на 5 меча и плати казна од 80.000 фунти откако по постигнувањето на голот против Вест Хем со раката направи анти-еврејски гест.
