Кингсли Коман е нашиот најнов Офсајд лик, рубрика која малку ја запоставивме, а не дека нема работа за таму.
Крилото на Баерн Минхен ја доби една од најчудните казни која не може ни да претпостави човек дека воопшто постои во фудбалот, па уште е и толку висока.
Се појавил на тренинг со погрешна кола. Што значи тоа погрешна кола?
Фудбалерите на Баерн Минхен се обврзани да доаѓаат на тренинг и на натпревари со автомобилите од спонзорот, а Коман тоа го прекршил. Нивен спонзор е АУДИ, а тој се појавил со Мерцедес.
Во јануари минатата година спортскиот директор Хасан Салихамиџиќ им соопштил на играчите дека наместо со своите луксузни возила, тие ќе мора на секој тренинг да доаѓаат со оние од АУДИ или Фолксваген групацијата. Тој што нема да го почитува правилото ќе биде казнет со 50.000 евра.
Kingsley Coman 🇫🇷 faces a €50,000 fine from Bayern Munich for showing up to training in his Mercedes rather than his Audi company car. Club rules demand each player has to travel in an Audi for business appointments because they’re a huge club sponsor. 🚗 [Sport BILD] #FCBayern pic.twitter.com/Zwk8fv06Rm
— RouteOneFootball (@Route1futbol) March 15, 2021
Ете до каде одат Германците со своите правила. Коман се извини.
„Би сакал да му се извинам на клубот, но и на АУДИ што не дојдов на тренинг во своето службено возило. Причина е што ми е оштетен еден од ретровизорите. Но сметам дека направив грешка, ќе ја посетам фабриката на АУДИ во Инголштад во знак на извинување и ќе им поделам автограми на вработените“.
Инаку АУДИ е долгогодишен акционер во Баерн кој поседува 8,33% од клубот и како спонзор дава 50 милиони евра годишно.
