Поразот на избраниците на Бошко Ѓуровски на квалификацискиот натпревар од Словачка на домашен терен им ја донесе 103-позиција на најновото ноемвриско рангирање на ФИФА.
Само две места под нас е репрезентација на Фарски Острови кој по сензационалната победа на гости против Грција напредуваше 82 позиции.
Од нашата квалификациска група за ЕП 2016 полош е само Луксембург кој се наоѓа на 129 место, а пред нас е Белорусија која скокна пет места и сега е 101-ва. Шпанија се наоѓа на 9-место, Словачка 21-во и Украина 26-то.
На врвот и натаму е светскиот првак Германија, потоа финалистот од Мундијалот, селекцијата на Аргентина, а по неа следуваат Колумбија, Белгија, Холандија, Бразил, Португалија, Франција, Шпанија и Уругвај.
