Милан, Интер, Наполи и Јувентус се сигурни учесници во Лига на шампиони, а Лацио во Лига Европа. Но има уште три екипи кои се во игра од кои две ќе играат во Европа, ама има и едно сценарио да одат сите три. Како?
Ако Рома заврши на осма позиција во Серија А и успее да го добие финалето од Конференциската лигата против Феенорд, тогаш како освојувач оди директно во ЛЕ.
Во тој случај европски настапи обезбедуваат и Фиорентина и Аталанта. Едните како шести во ЛЕ, а другите како седми во Конференциска лига. Зависи од нивните резултати.
Сите комбинаторики на Рома од која на некој начин зависат и може да профитираат Фиорентина и Аталанта:
- Ако Рома вечерва го победи Торино на гости, обезбедува ЛЕ, затоа што со 63 бода би била недостижна за Фиорентина и Аталанта.
- Во случај на реми ќе игра во Конференциска лига, ако една од двете екипи под нив не успее да победи. Ако победат двете, тогаш ќе брка Европа преку Тирана.
- Ако победи Феенорд и заврши осма, тогаш догодина Италијанците ќе имаат рекордни 8 претставници во Европа.
- Ако го победи Феенорд и заврши седма, тогаш три екипи ќе одат во ЛЕ и ниту една во Конференциска лига.
- Ако изгуби од Феенорд и заврши седма, пак ќе игра Конференциска лига.
Фиорентина како седма и Аталанта како осма имаат ист број на бодови, но Виолетовите се пред нив поради подобриот меѓусебен дуел.
Тоа значи дека Аталанта и со победа во последното коло може да остане без настап во Европа. Сè зависи од резултатите на другите екипи, особено на Рома.
Последно коло:
Торино - Рома
Аталанта - Емполи
Фиорентина - Јувентус
