„Ги зацрнивме" со слика од Марио Балотели е контроверзната насловна на деношното издание на весникот Tuttosport.
Контроверзна е и насловната страна на весникот Libero со слика од Марио Балотели како шутира топка со ликот на Ангела Меркел.
"Siamo noi!" и "Giganti d'Italia" беа насловите на двата најпознати спортски везници Gazzetta dello Sport и Corriere dello Sport. Сите италијански медиуми употребуваат суперлативи за да го опишат изданието на нивната репрезентација, а новинарот на весникот Corriere Della Serra вели „за прв пат игравме како ние да сме Германци".
Во Германија пак се пишува само за кошмари и уништен сон. На насловната на Morgenpost има слика од Балотели и само еден збор "albtraum" – "кошмар".
„Нашиот сон се распадна. Повторно нема титула за Германија. Последната беше во 1996-та година, пред 16 години. Шестнаесет години?", пишува Bild.
Повеќето од германските медиуми за поразот го обвинија селекторот Јоаким Лев, но имаа критики и за скоро сите фудбалери.
„Гомез и Подолски беа целосно промашување. Швајнштајгер никаде го немаше, а нашето торнадо Озил беше само нежно ветерче", пишуваат тие.
