Галатасарај и Ордуспор одиграа интересен натпревар кој ќе се памети по автоголот, пресвртот, голчиштето на Снајдер, но и по потегот на Дрогба.
На 6 минути пред крајот на натпреварот, при еден воздушен дуел, Дидие Дрогба и противничкиот фудбалер Давид Барал се судрија со глави и двајцата паднаа како покосени.
Првичните сцени не беа пријатни за гледање, но за среќа со брза интервенција на соиграчите и лекарските екипи, Дрогба успеа да стане на нозе, а шпанскиот интернационалец од Ордуспор беше итно префрлен во болница.
По завршувањето на натпреварот, Дидие Дрогба веднаш се упатил кон болницата каде го посети Барал за и самиот да се увери дека неговиот ривал е во ред и да му посака брзо опоравување.
