24 годишниот член на Штутгартер Кикерс, екипа која се натпреварува во третата германска лига заедно со вторите тимот на Баерн, Штутгарт и Вердер, минатата година доби срцев удар и колабираше на сред натпревар.
Тој мораше да направи четири операции и да мирува цела година, а доби совети од лекарите повеќе да не игра фудбал.
По 16 месечна пауза, Енгелбрехт во ноември оваа година се врати на терените и почна да добива мала минутажа, а работата на срцето му ја контролира дефибрилатор.
Додека неговиот тим имаше 1:1 на дуелот против Вехен, во 83 минута тој влезе во игра и по само 7 минути постигна гол за конечни 2:1.
Голот го прослави со солзи на очите и маица на која пишуваше „ништо не е невозможно“. По натпреварот изјави дека моментот за него бил неверојатен, а неговиот тренер рече дека голот бил емотивно доживеан од сите во клубот.
Едногодишната пауза од фудбалот Енгелбрехт ја опиша како кошмар, бидејќи бил постојано под силни лекарства и не смеел да има никаква физичка активност.
