Младите фудбалски таленти се дел од норвешкиот четвртолигаш кој го има едно од подолгите имиња и кој малку ќе ве измачи за да го изговорите на прва. Се вика Мандалскамератене, а мечот го играа против можеби најкусиот фудбалски клуб за изговор. Името му е Ре.
Четворицата 17 годишници не го почнале мечот заедно. Помеѓу првите 11 играчи од стартот на мечот се нашле Торје и Ерик, а тренерот потоа им дал шанса и на Амунд и Идар.
Екипата на Мандалскамератене на крајот славела со 3:1, а по натпреварот браќата Вичне биле известени дека до сега не се случило во иста екипа да настапат четворица браќа и тоа родени во ист ден.
„Навистина е забавно е да се игра со моите браќа заедно, а тоа е голема предност затоа што одлично се познаваме“, вели еден од нив.
За сега нема информации колку си подавале меѓусебе и дали се карале на терен.
