Ги викаат Хрушчковки и се исти со оние какви има во Скопје, изградени после земјотресот, со бетонски блокови кои го пропуштаат звукот на хрчењето на комшијата ама не и шајчето кое пробуваш да го заковаш на нив. Градските власти процениле дека таквите згради го одживеале своето. А сега, пазете цифра - ќе се уриваат 7.900 згради.

Како што тргнала работата со масовното градење, но и со преправање на старото, во одредени кругови попознато како „разубавување", почнуваат да исчезнуваат градби или простори на кои сме навикнале, со кои ни се врзани спомени, или кои просто ни се убави.

Бидејќи архитектурата во последниве години го замени таксирањето како резервно занимање на Македонецот (тоа што си бербер не значи дека не си и Гауди), да си го провериме вкусот со топ листата на Деjли Телеграф од 21 најгрда градба на светот.