Налетавме на 10 славни фудбалски имиња, кои треба да ги знаете и од сон ако ве станат. Тука се многу помлади и во бои кои можеби ќе ве збунат.

635 настапи и 168 гола за клуб и 126 настапи и 33 гола за репрезентација. Како и 14 трофеи. Не дека се овие бројки слаби, ама можеше уште, ако не влезеше во таа малерозна низа на повреди во Реал Мадрид, каде и не се снајде. Штета што играчиште како Еден Азар го гледавме како везе само до 32 години. Анри објаснува за него кратко и јасно.

Француската легенда за пример го зема тазе поразот од Милан во кој со видео снимки детектира целосно погрешно одвивање на нападот. Вели дека не може 9-та во тимот да игра толку повлечено, а Белингем кој игра поназад, да биде тој што ќе ја покрива позицијата на Мбапе. За решение го цитира Дел Пјеро, кој смета дека единствен кој може да ги реши проблемите во играта е Карло Анчелоти, а тоа е да воспостави баланс.

Нема фудбалска вечер во студиото на Си Би Ес без хумор во режија на триото редовни гости во улога на експерти. Тиери Анри рече дека главниот судија направил голема грешка што досудил офсајд во 113-та минута, иста каква што имало во филмот „Pretty Woman“. Водителката не можеше да застане со смеење.

Уште во втората сезона им донесе титула и тоа со целосно разнишан клуб и играчки и финансиски, со скандали, големи раководни промени и во една нова ера без Меси. Пушти во оган еден куп деца кои сериозно се наметнуваат како иднина на клубот, а со нив го доби ПСЖ на гости со 2:3 и направи исчекор за пласман полуфинале од ЛШ. Човекот кој речиси цел живот и го посвети на Барса, не заслужи таков притисок под кој работеше, туку договор на долги стази со одврзани раце. Тиери во кратки црни ги има поентите.

Заедно со водителката, ќе може да видите вкупно петмина прогнозери, почнувајќи од тоа кои ќе бидат полуфиналисти, па сè до шампионот на Вембли на 1 јуни. Шмајхел им пркоси на првите тројца, а Анри го скрати муабетот и веднаш го кажа името на новиот европски првак.

Не се сеќаваме кој играч се дрзнал и му успеало да го претрча Карлос со топка. Ама ете, Тиери нè потсети. Роберто Карлос возеше во трета, ама потоа го снема од кадар бидејќи Анри убаци во четврта. Снимката е стара 20 години.

Легендарниот напаѓач на Арсенал доби прашање од кој тренер е воодушевен како работи тактички, а тој го издвои Инѕаги кој го следи уште од времето на Лацио. Го објасни неговиот систем на игра 3-5-2 и му се допаѓа тоа што игра со двајца напаѓачи. Проблем е како се сретнеш со него во Куп, а тоа го осети на своја кожа и Манчестер Сити во финалето од ЛШ, вели Анри.

На синоќешните две осминафинални средби од ЛШ паднаа два историски рекорди. Со 16 години и 223 дена, Ламине Јамал од Барселона стана најмлад играч кој настапил во нокаут меч од ЛШ. Пепе пак со Порто стана највозрасен со 40 години и 360 дена (голманите не се сметаат). Во понеделник полни 41. А сега да видиме што правеле тројцата од насловот во 2007-ма кога се родил Јамал, како и водителката која патем „го изеде“ од секогаш расположените гости.

Многу полемики предизвика поништениот гол на Лајпциг уште во 2 минута од осминафиналето против Реал. Нејаснотиите произлегоа од кој друг ако не од судијата и заспаните колеги во ВАР собата кои често сезонава прават грешки. Овде не е проблематична позицијата на стрелецот Бенџамин Шешко, туку на Бенџамин Хенрикс кој од офсајд позиција го турка малку голманот, доволно за поништување на голот.

Меси не се појави на доделувањето на наградите на ФИФА, а ниту пак Халанд и Мбапе кои завршија во топ 3. Тиери Анри, кој е надарен за комичар, рече дека има две причини за да ја земе наградата на Меси. Прво затоа што никогаш не ја освоил и второ затоа што водителката навива за клуб кој не е навикнат на трофеи.

Пеп Гвардиола го доби признанието за тренер на годината во изборот на ФИФА, а потоа остана на бината додека се читаше најдобриот тим за 2023-та. Во него беа избрани шест играчи на Манчестер Сити, што е најголем број после тројната круна на неговата Барселона во 2009-та. Анри му постави прашање на кое беше многу тешко да се одговори, а Пеп ги изнасмеа сите со првичната реакција.

Англичаните кога го преведуваат велат Red Star, а Италијанците Stella Rossa, ама фората е оригиналот да го изговориш. Анри е најблиску од сите во студио, му фали уште „В“ да го изговори кај Ѕвезда.

Леле на што налетавме. Секвенца од 489-та емисија на Бошко во која му гостува бате Ване. Неисцрпен извор за хумор е оваа комбинација во студио. Цела ја имаме изгледано.

На една страна Малдини и Шмајхел, на другата Анри, Карагер и Ричардс. Поранешниот француски напаѓач го испофали поранешниот италијански дефанзивец за победничкиот менталитет кој го донел во Милан, но го потсети и на нивен дуел одигран во 98-ма која Тиери се исплашил кога видел кој ќе го чува по десно. Малдини му возврати дека и тој воопшто не бил среќен кога видел кого треба да чува. Убав разговор со многу почит меѓу двете легенди.

По пласманот на Милан во полуфинале, Рафаел Леао го вклучија во студиото во Лондон каде анализа за мечот правеа Тиери Анри, Андриј Шевченко, Џејми Карагер и Мика Ричардс. Ќе падне и смеење.

Поранешниот светски и европски првак со Франција му порача на Меси да си замине од Париз и го нарече ПСЖ клуб за пензионери во кој никој не напредувал. Во негова одбрана застана и Анри.

Со плус Јулијано и Песото, тоа беше екстра силна италијанска одбрана, но сепак недоволно спремна да се прави со тогаш актуелниот светски првак Франција, предводен од Зидан. Финалето на ЕП 2000 го загубија со златниот гол на Давид Трезеге во 103-та минута. Погледнете што им правеше 22 годишниот Тјери Анри. Не можеа да го сопрат.

Легендарниот француски дриблер кој играше во Монако, Јувентус, Арсенал и Барселона, освои еден куп трофеи и играше со илјадници фудбалери секаде низ светот. Се изнадава голови ама еден момент ќе памети засекогаш. Пенал на мечот Арсенал - Манчестер Сити за кој со Пирес се договориле да направат нешто смислено. Ама ја утнаа работата па судијата им го одзема пеналот.

Фудбалерите на Арсенал го претрпеа и третиот пораз по ред во Премиер лига, овојпат дома 0:1 од Барнсли во 12. коло. Барнли славеше против „топџиите“ првпат после 1974-та година.

Во МЛС лигата Монтреал Импакт чиј тренер е Тиери Анри синоќа изгуби 0-1 од Њу Ингланд, но моментот кој го одбележи мечот е тоа што Французинот од почеток на мечот 8 минути и 46 секунди клечеше на едно колено со крената рака во чест на убиениот Џорџ Флојд поради кој Америка се крена на жестоки протести.

Ако тргнете да му ги гледате личните признанија кои ги доби во кариерата, ќе треба побајаги да скролате надолу со маусот. Една од неговите поинтересни карактеристики која го направи најдобар играч во Европа во еден момент беше вештината со скоро метро и 90 да дрибла како Меси.

Арсенал - Манчестер Јунајтед, октомври 2000-та. Голчиште за аналите. Го повторуваме после 20 години, а да можеме би го повториле и по 200.

Ова е сезоната за која им се плаче на навивачите на Арсенал. 2003/2004, шампиони, за последен пат и тоа без пораз. Бандата на Венгер ич да почнуваме да ја броиме. Тиери Анри стрелец број 1 во Премиер лига со 30 гола. Здиве против Лидс.