„Насер ја убива Лига 1“ и „Катар го убива францускиот фудбал“, гласеа банерите на навивачите на Ленс, кој и официјално ја загуби титулата во претпоследното коло откако ПСЖ победи со 0:2 и избега на +9 бода. Навивачите на Ленс се бесни бидејќи ова дерби требаше да се одигра на 11 април (сабота), но беше одложено за Парижаните да се одморат за двете четвртфиналиња против Ливерпул на 8 и 14 април.

Малку луѓе знаат дека сопственикот и претседател на ПСЖ, Насер Ал-Келаифи се појавил во првото коло на АТП турнирот во Сенкт Пелтен (Австрија) во 1996-та година под знамето на неговиот Катар. Изгубил убедливо од првиот носител и шампион на Ролан Гарос, Томас Мустер ама бар му освоил еден гем.

Како тоа ПСЖ во едно исто лето, 2017 ги доведе Нејмар и Килијан Мбапе во своите редови и како потроши преку 400 милиони без да ги наруши строгите правила на финансиски фер плеј од кој настрадаа многу поголеми гигнати?