Без разлика што во Франкфурт вечерва од 21 часот гостува лидерот од Серија А кој игра многу убедливо сезонава, актуелниот првак на Лига Европа најавува дека е гладен за успеси. Се потрудиле бајаги со трејлерот, со стари снимки од нивното прво соочување во 1994-та.

Покрај Milan fans Macedonia, за осминафиналето од Лига на шампиони Милан - Тотенхем, на Сан Сиро бил и Јове (на Твитер JBurgundi). Направил симпатична репортажа од мечот, градот и сè што попат му паднало во око. Добро е да ја погледнете. 

21 годишниот Карим Адејеми кој минатото лето ја засили Борусија од Салцбург, постигна гол кој ќе се врти на компилациите на УЕФА. Челси на реваншот ќе стартува со негатива од 1:0, а Клуб Бриж ќе има многу потешка работа, бидејќи загуби дома од Бенфика со 0:2.

Епа појако и понеизвесно и не можеше да биде. Во осминафиналето на Лига на шампиони ќе гледаме две тазе репризни финалиња.

Во недела во која Интер игра со Баерн во ЛШ, за интервју се бара Горан Пандев кој со неодбранлив удар ја замолчи Алијанц арената.

Додека Милан - Салцбург и Шахтјор - Лајпциг водеа битки за осминафинале, во навидум решената група Х, сепак не беше сè решено. Ѕвездите на ПСЖ со 14 бодови и без пораз, во 92-ра минута паднаа втори на табела.

Ливерпул го совлада Наполи со 2:0 и му го нанесе првиот пораз сезонава. Елиф Елмас стандардно доби шанса во вториот дел и доби малку ќотек од стрелецот на вториот гол.

Групата Д доби разврска како што доликува во Лига на шампиони. Марсеј и Спортинг на полувреме имаа по 1:0, резултат кои ги носеше во нокаут фаза, но и двете средби на крај завршија 1:2. Тоа значи дека Англија и Германија добиваат уште по еден претставник во осминафинале. Тотенхем стрелаше на Велодром во 95-та минута, а со тоа го исфрли Марсеј и од ЛЕ и го прати Спортинг.

Како никогаш до сега, во два неполни месеци “летна“ групната фаза од ЛШ, која обично завршува во декември. Вечерва ќе гледаме два дерби дуели без резултатско значење, ама затоа во Д групата гори. Сите четири екипи се во игра за топ 16.

На средбите Атлетико Мадрид - Баер Леверкузен и Тотенхен - Спортинг се играше скоро 100 минути фудбал. Коментаторите на мултипреносот на Арена спорт се мрднаа и не можеа да ги пофатат двете лудачки завршници.

Сензацијата на Динамо Загреб против Челси, очигледно само ги залажа Хрватите дека можат до осминафинале во ЛШ. Италијанскиот шампион ги суреди со 0:4 и за пласман во нокаут фаза, доволно им е реми против Салцбург во последно коло. Со дебакл и елиминација се соочи и Јуве, а пораз смееше да си дозволи европскиот првак Реал. Седумка на ПСЖ.

По првите 45 минути со само бедни четири гола на седум средби, стрелците во ЛШ се разбудија во второто полувреме. Манчестер Сити со пресврт ја доби Борусија, а од фаворитите триумфираа и Реал и ПСЖ. Јувентус по две кола останува на 0 бодови.

Гостувањето на Сан Сиро беше преголем залак за Динамо Загреб да направи уште една сензација во ЛШ после триумфот дома против Челси. Милан беше подобар со 3:1. Атрактивно додавање на Петковиќ до Оршиќ кој погоди за 2:1. Јубилеј за Аријан Адеми кој е рекордер во историјата на Динамо со 100 настапи во Европа.

Само неколку дена по судискиот гаф во Серија А кој го обиколи светот и доведе некои федерации да забрзаат со воведување на полуавтоматски офсајд, сериозна грешка падна и во Лига на шампиони.

По Адеми и Ристовски и третиот македонски претставник во ЛШ, Елиф Елмас (влезе во 74-та) се радуваше на голема победа против англиски гигант и поранешен европски првак. Барса пукна петарда, а Левандовски блесна со хет-трик. Атлетико победи со гол во 101-ва минута.

Хаун Куадрадо против ПСЖ во ситуација кога имаше игра еден на еден, четворица во шеснаесетник и ред други порационални решенија.

Актуелниот европски првак со убедливи 0:3 против Селтик ја почна одбраната на титулата. Маестро Лука Модриќ на 9 септември полни 37 години. Кој би рекол?

Јувентус немаше лек за Мбапе кој со два гола како на плејстејнш му донесе 3 бода на ПСЖ. Шахтјор го изненади Лајпциг на гости и тоа убедливо, а Сити, Реал и Бенфика и ја оправдаа фаворитската улога. Нерешено беше само во Австрија. 23 гола во воведното коло во Лига на шампиони кое продолжува во среда.

Стефан Ристовски и Аријан Адеми го срушиja ланскиот европски првак во првото коло од групната фаза во Лига на шампиони. Човек на одлука е Мирослав Оршиќ.

На денот кога веќе се познати сите патници во групната фаза, а попладне од 18 часот е ждрепката, остануваме на актуелната тема Лига на шампиони. Ова е сезона 1990/1991, кога Црвена Звезда пред историското финале во Бари, успеа да го елиминира големиот Баерн Минхен.

Официјалната верзија гласи: Ливерпул ги викна навивачите да дојдат дури и без карти, тие дојдоа, пробаа да влезат и настана хаос. Меѓутоа снимките од Париз не се баш само од навивачи на Ливерпул.

Во часовите пред и по дебаклот од организација на финалето на Лигата на шампионите, во Париз имаше улични инциденти меѓу дојдените навивачи на Ливерпул од преку каналот и арапско/северноафриканската мигрантска популација во Париз.

Порто има два трофеи во ЛШ, вториот со Мурињо во 2004-та, а првиот на денешен ден пред точно 35 години под водство на хрватскиот стратег Томислав Ивиќ. Го добија Баерн Минхен во Виена со 2:1 и тоа со екстра брз пресврт, дело на Алжирецот Раба Маџер 79` и Бразилецот Жуари 81`. Ваквите голови во финале како петицата на Маџер се реткост. 

Реал Мадрид приреди драма и пол во реваншот полуфиналето од ЛШ и само што Родриго ги даде двата гола во рок од 90 секунди, вредни продолженија, падобранец со албанско знаме го прекина мечот.