За сенешто одат кај шефот, понекогаш само дури и да си ги кажат маките, склони се кон паничење и пречесто им треба да бидат тапшани по рамо. Сведоштво на ПР-шефица која менаџира луѓе од генерацијата З, за која признава дека и од нив има што да се научи. На пример, да знаеш кога престануваш со работа. 

Припадниците на Генерација З, оние родени од 1997-ма до 2010-та, по сопствено убедување се многу либерални, се залагаат за сечии права и разумно ги проценуваат тешкотиите во животот. „Единствен“ проблем што го имаат е што не трпат некој да мисли различно од нив. 

Прагот на толеранција им е многу понизок отколку на претходните генерации.

Така барем нè учат новите хорори. На зумерите (Генерација З), негативците во хорор им се - старци.