Бинанс е компанијата која снајперски прецизно ја идентификуваше пирамидалната шема на ФТХ и сосема свесно ја искористи за да предизвика колапс на компанијата. Тоа што Бинанс потцени е како крахот на ФТХ ќе влијае на нивните пари.

Случајот со пропаста на ФТХ е уште едно упорно повторување на правилото дека ако нешто изгледа премногу добро за да биде вистина, тогаш веројатно е, и само треба малку да почекаш за да видиш каде е лагата. Основачот на ФТХ и целата операција, Сем Бенкман-Фрид деновиве беше уапсен на Бахамите по барање на САД.

Како што продолжува имплозијата на крипто-берзата ФТХ, така на површина излегуваат работи што инвеститорите би требало да ги знаат пред да истурат милијарди во фирмата, пример дека целото раководство е „банда деца“ во полигамна врска меѓу себе.

Сем Бенкман-Фрид (СБФ) е човекот кој ја основа компанијата ФТХ и објавува сопствена криптовалута (ФТТ) која откако достигна вредност од десетици милијарди долари минатата недела се покажа дека е чиста пирамидална шема и комплетно крахира.