Нè копкаше да видиме во што се разликува Италија од пред три години и сега, за од европски првак да падне толку ниско и што ќе видиме. Скоро никој да нема од шампионите. Двајца без тројца.

Добро побогу од каде идеиве и кој се занимава со вакво нешто за време на ВАР ситуации? Генијалци.

Веќе неколку дена траат критиките на адреса на италијанската фудбалска репрезентација која како бранител на трофејот се посрамоти во Германија. Ама никој не го искажа револтот како овој. Во прашање е свето нешто.

Дарјан Недељковиќ од Моцарт спорт со едноминутно хируршки прецизно излагање.

Швајцарија до 92-ра имаше победа над Германија, а во осминафинале ја елиминираше Италија. Англија ја победи тенко Србија и се спаси во 95-та минута со Словачка. Франција е четвртфиналист со два автогола и пенал. Белгија загуби од Словачка и е веќе елиминирана, Грузија ја победи Португалија, која пак се извади со Словенија на пенали. Хрватска не победи никого, а во топ 8 се наоѓа Турција. Доволно е? Поранешниот македонски репрезентативец, Панче Ќумбев без филозофирање и со една реченица ги констатираше фактите на ЕП 2024.

Симпатични сцени од Лајпциг забележани пред мечот меѓу Австрија и Турција. Австријците здогледуваат баба на балкон, ѝ мавтаат и сите во хор и скандираат да возврати на поздравот. Мисијата е успешна, забавата спонтана.

Победата на Турција против Австрија во осминафинале на големо се славеше во Турција, се разбира во Германија, но и во Македонија. Под стоковна куќа Мост не можело да се помине со кола.

Не е секој ден Велигден селекција како Турција да се најде во топ 8 во Европа. Четвртфинале не видоа селекции како Италија и Хрватска. Плус знаејќи ја нивната страст за фудбал, сцениве се најнормални за досегашниот успех во Германија. Второто видео е од Келн.

Не знаеме што правел навивачов за време на мечот меѓу Португалија и Словенија, само знаеме дека не курчи силеџиство, особено вакво кога пет души млатат еден. Што им е работа на овие, да исфрлат некој од стадион ако прави бељи или да се испразнат врз него?

Дефинитивно помалите репрезентации на ова ЕП одиграа поинтересен фудбал со поголема жар и борбеност. Денеска репрезентациите беа многу поконкретни во напад за разлика од некои манекени. Холандија имаше 24 удари кон гол, а на вториот дуел Австрија 21. Но победи Турција со двата гола на дефанзивецот Демирал и одличниот Мерт Гунок кој ја направија една од најјаките одбрани на турнирот и ја спаси звојата земја од продолженија.

Момците на Винченцо Монтела ја израдуваа фанатичната фудбалска јавност во Турција и го обезбедија третото четвртфинале во историјата на ЕП. Демирал како стопер ја реши Австрија со два комада од кои првиот во 58-ма секунда. Ќе имаат силен противник, а тоа е Холандија која на моќен начин со 3:0 ја збриша Романија.

Финалистот на двата последни Мундијали од кои едниот и го освои е непрепознатлив на Европското во Германија. Недопадливи, неатрактивни и посебно неефикасни и тоа со Мбапе, Гризман, Турам, Жиру, Дембеле.

Не сме воопшто среќни и задоволни со неефикасниов и кулкулантски фудбал на Европското на кој освен Шпанија и еве Германија, никој ништо не одигра од фаворитите и ѕвездите. Подобро да поминеа Словачка и Словенија. Од ваквите па дерман нема.

После незадоволителни 120 минути фудбал со најнепопуларниот резултат, Португалија ја елиминира Словенија на пенали 3:0 и стигна до четвртфинале каде ќе се соочи со Франција. Промашија Иличиќ, Балковец и Вербиќ, погодија Роналдо, Бруно Фернандеш и Бернардо Силва.

Не задоволува некако квалитетот на фудбалот на ова Европско. Светскиот првак од 2018-та и вицепрвак од 2022-ра игра под секое ниво, целосно зарибани во напад. Станаа петти четвртфиналисти со триумф над Белгија од 1:0 остварена во 85-та минута. Стрелец Вертонген или во превод вкупно деветти автогол на овој турнир. Французите како едни од главните фаворити за трофејот стигнаа до топ 8 со пенал и два автогола.

Прв пат го осетија чувството наречено Европско првенство и уште на дебито направија сензација. Победа над скапата Португалија и пласман во осминафинале. Па уште имаа и водство над Шпанија. Нема за што да жалат. Се претставија борбено, со многу жар и желба, многу поголеми од некои други репрезентации кои се посрамотија. Навивачите тоа го гледаат и го ценат.

Ако некоја селекција може да се издвои како најсериозен кандидат за европската титула, тоа дефинитивно е Шпанија. Единствена со 3 од 3 во групна фаза, а потоа висока победа од 4:1 против Грузија, крунисана со убедлива игра и прв примен гол на ЕП. Екстра класа репрезентација со опасна младина во налет. Четвртфиналето ќе им биде прв сериозен испит, бидејќи противникот се вика Германија.

Словачка до 95-та минута имаше сензационални 0:1 против Англија и пласман во четвртфинале. Белингем израмни со ножички, а Хари Кејн ги постави конечните 2:1 уште на стартот од продолженијата. Затоа се седи на стадион до крај.

Содржаен беше третиот осминафинален меч меѓу Англија и Словачка, со многу шанси и вкупно три голови. За малку можеше да биде и кобен за Англичаните кои во 55 минута се спасија од негатива од 0:2. Давид Стрелец се обиде од пола терен да го изненади Пикфорд.

Италија е четирикратен светски и двократен европски првак. Читател ни прати евиденција за тоа по колку репрезентативци имал Јувентус кога ги постигнувале овие успеси. И во право е човекот. Спалети во прв тим против Швајцарија ги имаше Киеза и Фаџоли, против Шпанија и Албанија само Киеза, а против Хрватска ниту еден играч на Јуве во првите 11.

Далеку понеизвесен, поинтересен и поатрактивен беше вториот меч од осминафиналната фаза на ЕП. Домаќините славеа 2:0 со вкупно 17 удари од кои 10 во рамки на гол, за разлика од Италијанците кои првиот шут го имаа во 72-ра минута. По еден поништен гол со ВАР на двете страни, како и 25 минутен прекин поради невреме.

Актуелниот првак на Европа капитулираше во нокаут фазата и со пораз од Швајцарија од 2:0 си ги пакува куферите за дома. Безлична, безидејна и немоќна Италија која го бележи првиот пораз во 11-то осминафинале на Европските првенства. Очај и бламажа e нивниот настап на ова ЕП. Стрелци Ремо Фројлер и Рубен Варгас. 

По слабото прво полувреме и негативата од 1:0, Италија не можеше полошо да го стартува вториот дел. Прими уште еден гол на самиот старт, дело на Рубен Варгас кој со прекрасен удар го матираше Донарума.