Само Англија - Србија (1:0) не заврши нерешено во оваа група. Три средби се со резултат 1:1, а последните две 0:0. Вкупно 7 гола на 6 средби. Тапа издание од страна на сите четири репрезентации кои со право заслужуваат критики.

Грузија е хит број 1 на ова ЕП. Добија премија за сработеното од најбогатиот Грузиец на светот како никој до сега.

Во 2013-та година, Роналдо бил гостин на отворање на академија во Динамо Тбилиси. Дури 10 деца од таа академија кои се наоаѓаат на фотографијата, синоќа играа против него и го победија како дебитанти на ЕП. Меѓу нив и Кварцахелија кој даде гол, ја однесе Грузија во историско осминафинале, беше прогласен за играч на мечот и на крај го доби дресот од неговиот идол. Каква сторија.

По пауза од 24 години, селекцијата на Турција се избори за нокаут фаза на ЕП, а тоа го стори со две победи или поубедливо од многу поголеми репрезентации. Прво ја совладаа Грузија 3:1, а синоќа и Чешка со 2:1. Пласманот го потврди Ченк Тосун со гол во судиско, за делириум и меѓу играчите и меѓу навивачите и меѓу коментаторите. Во осминафинале ќе играат против Австрија.

Ќе има многу јаки битки на ова Европско првенство. УЕФА веќе издвои шест кои ги смета за најпривлечни. Да ги ѕирнеме.

Поминаа четири години, тоест три поради пандемијата откако гледавме Европско првенство и тоа со Македонија и Горан Пандев. Како и две од СП Катар, ама и тие не се две, бидејќи во зимо го гледавме со чварки и црно вино. 

17. издание на Европските првенства кое ќе ни го разубави летото и ќе ни ја зголеми желбата за пиво, ќе се одржи со 24 земји учеснички, во 10 германски градови,  во периодот 14 јуни - 14 јули и со преноси на МТВ. Загревајте се за спектакл.

УЕФА потпиша договор со компанијата Топс која ќе им биде официјален партнер за следните две Европските првенства 2024 и 2028. Таа ќе биде должна за ребрендирање на турнирите со официјални производи меѓу кои и албумот со слики. За амбасадор го назначија Жозе Мурињо.