„Татко ти сигурно бил прекрасен човек штом доживеал толкава старост“. Божем тоа функционира така, ти додаваат екстра години за добро однесување. Секакви добри луѓе умираат млади. Знаеш кој живее „добар долг живот“? Дик Чејни. Хенри Кисинџер. Руперт Мардок.

Дејвид Седарис, за чијашто збирка раскази „Јас зборам добро еден ден" пишувавме тука, освен по урнебесниот хумор е познат и по една негова опсесија - чистењето ѓубре од јавни површини. Сега таа негова пасија го донесе пред британска владина комисија задолжена за животната средина.

Има така некои автори и книги кои ни шлајфуваат на дното на купчето, и покрај тоа што ни биле препорачувани, и често сме ги гледале на бестселер листите. Еден од нив, на кого до сега неоправдано не сме му посветиле внимание, е Дејвид Седарис.