Колку е таа Грција назад со материјалот, да се чуди човек. Јужните комшии за првпат после еден век ја ограничиле моќта на шеријатскиот закон, па во иднина, на своите граѓани од муслиманска вероисповед, ќе им дозволуваат да се разведуваат и пред нормален суд, а не да мораат да одат кај муфтијата.

Плукачкиот сензационализам на грчките медиуми не им помага на граѓаните туку само ги бетонира стереотипите кои лесно се продаваат. Од друга страна, дивеењето кај приватните медиуми нема соодветна контратежа на јавната сцена бидејќи пред две години државата го укина јавниот дифузер.

Две недели пред да мораа да го земат за озбилно, новиот грчки премиер пиша отворено писмо до германската јавност. "Има работи што никогаш не ви ги кажале за Грција", им порачува Ципрас на читателите на Ханделсблат.

Фрустрираните и гневни Грци убедливо ги избраа Сириза, но Ципрас и Варуфакис сега ќе мора да се судрат со Ангела Меркел и претпазливите и конзервативни плаќачи на данок во Германија. Тоа ќе биде битка на вољи а сите сигнали велат дека првиве нема да успеат, пишува Индипендент.