На новогодишната ноќ во 1995, шестгодишниот Калвин и неговиот плишан тигар Хобс се излизгаа на санка за последен пат. Тоа изгледаше како одјава на Бил Вотерсон, чиј стрип „Калвин и Хобс“ беше објавуван во 2400 весници низ светот. За среќа, тој има уште нешто да каже.

Доколку сте љубител на Калвин и Хобс и на неговиот автор знаете колку оваа вест е истовремено и необична и фантастична. По две децении Вотерсон прв пат објавува стрип, како гостин кај негов колега.

Ментал флос успеа во она во што голем број други медиуми не успеваа со години - да направи интервју со Бил Вотерсон, авторот на славниот стрип „Калвин и Хобс". За интервјуа, Вотерсон е она што е Џони Штулиќ за балканските новинари.