100.000 мртви на двете страни (и цивили и вооружени) е просекот околу кој се врти билансот на загинати во војната во Сирија. Од оние кои преживеаа, најголемиот дел се пребегани во Јордан. Ова е најголемиот бегалски камп во Јордан, Заатари, со меѓу 120 и 140 илјади бегалци.

Американскиот Foreign Service Institute направил листа на странски јазици подредувајќи ги по тоа колку им се тешки за учење на луѓе на кои англискиот им е мајчин. Нашиов им е како Зулу.

Американец, професор по англиски во Јапонија некое време ги собира грешките на своите ученици. Со малку Гугл и Фотошоп прави колекција од работите кажани на неговиот час.

Се произведуваат во Калифорнија, чинат 6.000 долари, може да ги добиете по нарачани димензии и можат да ви послужат за многу работи.

Tile е едно пинцурско уредче кое ќе ви ја реши комплетната лоша карма во животот на тема - каде ги оставив клучевите, каде ми е велосипедот, во која чанта ми е новчаникот, каде паркирав синоќа.

Ако ви е некаква утеха не е дека вашата работа не чини, туку едноставно работата не чини.

Битка која човештвото ја влече од самите свои почетоци. Едните се недолжно глупи примероци на луѓе, другите се само недолжни предмети. Дарвин и не работи така брзо.

Идејата за вежбање од само 7 минути ви ја претставивме пред некое време (научна, базирана на истражувања и резултати). Сега ви го претставуваме сајтот кој ќе ве следи додека ги правите вежбите. Само 7 минути се и готово.

Тоа што важи дека по некое време газдите почнуваат да личат на сопствените кучиња, изгледа важи и за музичките ѕвезди и нивните фанови. Фотографот Џеjмс Молисон фотографира групи фанови пред да влезат на концерт на својот идол.

Во петокот вечерта неколку часа траеше судирот меѓу противниците и симпатизерите на сменетиот египетски претседател Мухамед Морси. Во немирите низ Египет на оваа тема вечерта загинаа околу 30 лица. Ова се слики од мостот 6-ти октомври кој ги спојува двете страни на Каиро.

За време на една акција во Авганистан маринецот Метју Калахан завршува со скршена нога. Додека е на рехабилитација тој почнува со изучување на фотографија, со намера да стане воен репортер за армијата. Го учи ова, зема апарат и почнува да ги раскажува приказните на своите соборци. По пат започнува и Инстаграм во кој пренесува дел од сториите.

Не се за луѓето на големите мотори, не се за оние на брзите мотори, ама совршено ќе одговараат во комбинација со сите оние Веспи (и сл.) што одлично му легнуваат на расположението на градов. Кацигите (поточно цртањето) се дело на француското студио BMD, и сите се рачно уредувани.

Дијаграм од книгата Coup d'Etat: A Practical Handbook од 1968-ма, за тоа како се менува власта со државен удар. Според планот ти требаат 3 тима кои во точно време ќе "нападнат" на клучни позиции (медиуми, телекомуникации, резиденција...). Другото оставаат на тебе.

Изгледа како сцена од Бонд, ама всушност е јавна вежбална во Киев која е отворена и бесплатна уште од времето на Советите пред 40 години и која функционира до ден денес.

Продолжувајќи ја својата идеја на слободно сè и сешто, Мозила Јапонија решава и дизајнот на новите канцеларии да биде "опен сорс." Ова во основа значи дека дизајнот за мебелот сосе сите мерки и нацрти им е достапен на сите, само некој треба да купи штици и да почне да штрафи/кова.

Компанија сред Њујорк изнајмува простор од 1.700 метри квадратни, далеку повеќе отколку што и требаат ама тоа не е случајно. Зафаќа место колку што и треба, а остатокот го остава за други. Планот и е во празниот простор да смести (за кирија) колку што е можно повеќе стартапи, затоа што сака да се опкружи со креативни луѓе и да создаде заедница со нив. Резултатот - канцеларии од бајки.

Италијанската фотографка Камилја Кантрамбоне зема да прави портрет на своето семејство, со тоа што во сликите нема ниту еден од нив, туку само предметите кои тие ги поседувале и биле околу нив.

Македонскиот меш-ап махер Апостол се нашол на немилост на Јутјуб заради неговиот хит Колдплеј/Синан Сакиќ. И тоа не заради Колдплеј.

Насловните страни на светските медиуми кога стварно би ги имале Авенџерси на планетава. Не насловните со нивните подвизи и спасувања, туку од животот во цивилка.

Тим Михан е писател од Њујорк, кој има направено Тамблр по име - Кучко направи ми сендвич. Се работи за нешто поразлично отколку што звучи. Михан на Твитер собира твитови од луѓе што твитнале "Make Me a Sandwich Bitch" (или некоја варијација) и под тоа објавува уште еден твит од истиот човек.