Премиерот на Украина претстави мапа за тоа која сојузничка држава кој украински регион ќе го обновува. На Италија и Полска им се падна Донбас, а Луганск ударнички ќе го градат Чешка, Финска и Шведска. Отприлика, само оние Русиштана (некако) да си отидат и се фаќаме за лопати.

Без големи зборови и гео-политички наравоученија, погледнете две состојби: кого Французите во 1945 година го сметаа за најзаслужен фактор за поразување на Хитлер и нацистичка Германија. И после истото прашање, за истиот тој народ, 60 години подоцна.

Истите графички картички што до пред некој месец на црно се продаваа за над 1.000 долари, сега ем ги има во изобилие, ем се околу 300 долари. Се што се смени во меѓувреме беше целосен крах на крипто пазарот.

Истата пара што на Американецот од 1913 година му вредела 1 долар, денес му вреди 0,04 долари. Тоа што е најстрашно е што вредноста никогаш не се вратила назад, па нема ни сега.

Стварно, што прави тој човек сега? Лудува, како во своите најдобри времиња. Му направиле сликовница за деца по негов ќеиф, за измамата за руското влијание. Приказна видена низ очите на „убавиот крал Доналд“ (цар!). Попат пушта и поозбилни материјали потсетувајќи ги сонародниците како се заебаа со Бајден.

Швајцарија ја изневерила својата историски позната неутралност и се ставила од страна на рускиот окупатор. Од каде па сега овие големи зборови? Затоа што го одбиле барањето на Полска преку швајцарска територија да бидат транспортирани тенкови Леопард.

Мајкл Мекфаул е поранешен американски амбасадор во Русија (2012 - 2014). Денес е директор на институт за меѓународни студии на Стенфорд. Може не знае историја ама па затоа знае што е суштината на дипломатијата.

Сопругите на борци од нео-наци батаљонот Азов стационирани во железарницата во Мариупол добија голем публицитет во западните медиуми; даваа интервјуа, гостуваa на француска телевизија, се сретнаа дури и со Папата. Можеби и поголем публицитет отколку што им требаше, бидејќи почнаа и поинакви слики да се појавуваат.

Во центарот на Киев, на местото каде што порано имаше споменик на Ленин, вчера беше поставена скулптура која неодоливо потсетува на ликот на Путин со пиштол во уста. Автор на скулптурата е Дмитро Ив а неговата порака до „Путлер“ е „Застрелај се“.

Човек од Португалија во својот живот ќе потроши неверојатни 11. 323 ролни што изнесува 1.034 километри тоалет хартија. Од друга страна просечен Нигериец на овој свет ќе остави само 4,8 километри тоалетна, односно ќе потроши само 56 ролни. За нас немаат податоци. Срање.

За да ја разберете војната во Украина, доволно е да сте на ниво на разбирање на Марвел филмови.  Така барем верува Мајкл Мекфаул, некогашен американски амбасадор во Москва. Пазете како тој на своите твитер следбеници и на јавноста им ја објаснува војната, како на дебили. 

Своевремено Алијансата официјално има направено шаљива но глупа мапа на етнички стереотипи за тоа како изгледа еден совршен припадник на НАТО. По една иронична карактеристика за секој народ, како што тоа би личело за муабет пред кооперација. Мапата гордо има висено по канцеларии на НАТО.

Во холандските супермеркети се појави една црвена етикета до цените на производите, со директно куражење на холандските купувачи:

„Скапо? Заќути! Слава на Украина.“

Споменикот е на принцезата Олга, апостолот Андреј и просветителите Кирил и Методиј кој беше возобновен во мермер во 1996 откако претходно беше уништен во 1919. За да не им се повтори неславното минато, властите на Киев го забарикадираа споменикот.

Борис Џонсон ја обележа 40-годишнината од правичната британска интервенција преку половина свет.

Илон Маск на Твитер го пушти следниов предизвик за изјаснување: “Слободата на говорот е суштинска за функционирањето на демократијата. Дали верувате дека Твитер ригорозно се држи до тој принцип?“ Гласаа над два милиона луѓе.

Хидрели Диао е бразилски уметник со експертиза за креирање фотореалистични ликови од слики или цртежи со помош на вештачка интелигенција. Пример почнува со слика од Александар Македонски или Цезар или Џорџ Вашингтон, и ја апдејтува и транспортира во 2020-те.

Ако многу се потрудиме да го ставиме во некои легални рамки, овој бизнис гранично би се класификувал во фелата клучари, бидејќи тоа му е основната намера - продавање на клучеви. Да ја прашаш руската полиција ќе ти каже дека овие од класификување може да се само меѓу: лесна и тешка робија.

Твитер будалетина кој се претставува како либерален интернационалист а на насловна ги има Бајден и Камала, објасни дека Балканот е многу сиромашен па тој се сомнева дека луѓето таму воопшто имаат пристап до компјутери и мобилни телефони. Не верува тој дека има многу Словени на Твитер кои пишуваат кирилица. Заклучок? Ќе да се тоа руски ботови.  

Највисокиот жив човек на поланетава се вика Султан Косен и доаѓа од Турција. На последното мерење во 2018 година бил висок 250 сантиметри. Од Шекил О'Нил е повисок преку 30 сантиметри, но најдобра перспектива за неговата висина даваат фотографиите на кои се слика во секојдневно опкружување.

Смејурија од најнеочекувана тема: едноминутни молчења по спортски натпревари. Нема тука ништо смешно, сè додека не сфатиш дека на тие моменти мора да им се придружат и присутните спортски маскоти, со своите дифолтно весели фаци. Еден твитер акаунт собира такви моменти, кога несакајќи се ебе траорноста на моментот.  

Просечната цена на бензинот во светот (во септември) била 1,2 долари (или 63,79 денари) за литар. На едниот крај од овој просек е Венецуела, каде литар бензин е само 2 американски цента, на другиот се Хонгконг и Холандија со 2,56 односно 2,18 долари за литар. Во Македонија цената моментално е 70,65 денари (1,33 долари) за литар.

Имате колку сакате минути да размислите за што би можел да послужи маус ставен врз рачен часовник. Еве и ќе ви помогнеме, главна намена му е да го прелажеш шефот/клиентот, вие комплетирајте ја сликата како.

Од книгата на еден вистински оперативец на ЦИА, ви го пренесуваме делот: „Една од најчестите причини поради која луѓе се согласуваат да ги продаваат тајните на својата држава на САД.“