Човекот од милијарда и кусур долари (Чамат Палиапитија) секој ден станува во 6 и 45, и своеволно, при чиста свест и разум, прво нешто што прави е да ги разбуди децата (ги има 4). Ама па за тоа и секој ден од 9 до 10 разговара на телефон со својот психолог. Помеѓу овие две работи си прави и кафе, сам, затоа што му се смачило машина да му ја заврши цела работа со стискање на копче.

Екипа на данската ТВ2 е во Катар по повод Мундијалот и снима на улица. Па и не снима нешто посебно туку во живо се вклучува во вестите на својата телевизија за да даде репортажа на неколку дена пред почетокот на Светското. Од никаде никнуваат тројца катарски службеници кои некако мислат дека ќе организираш Светско во фудбал без камери на улица и странски новинари.

Кинескиот и канадскиот претседател некогаш нешто разговарале и цел муабет протекол до медиумите, и тоа сигурно не од кинеска страна. На самитот во Бали, на разминување, Ши малку го застана Трудо да го пее.

Феминистки коски оставија во борбата за женската кауза а овие преку шорткат им се уфрлија во „таборот,“ сосе маљави гради. „Блиски среди од хејтерски вид“ меѓу група мирни феминистки и неколку разголени транџи кои им се дерат од ограда; дека ќе ги лупаат, дека се наци ѓубриња и дека никој не ги посакува. Запазете ја „онаа“ со зеленото капче.

Последниот „Мед Макс“ (Road Fury) кошташе околу 180 милиони долари. Негде такви сцени се реконструираат за ич пари. Само што за тој филм Шарлиз Терон заработи 10 милиони долари. Овие овде ликови заработија право да им ги мачкаат гребаниците со ракија.

Неполни две години откако пандемијата го испретумба светов и ни ги избуричка животите, Бил Гејтс има да го каже следново: „Тогаш не сфаќавме дека (ковидот) има доста ниска стапка на смртност и дека е болест главно на старите, нешто како грип, само малку различно од тоа“. Да, а?

Шики е инвеститор, во згради. Пред некое време купил земјиште и донел цела машинерија. Шики има дозвола за приземје плус 4 спрата плус поткровје, а планира на местото да крене околу 800 спрата. Во зградата му се останати уште еден или два спрата за продавање.

Денот на независноста и враќањето на суверенитетот на Полска последниве години почна да се обележува со масовен марш низ Варшава. Годинава ги имаше 100.000 на улица со знамиња, со пароли, со бакљи, со сè.

‘Sunflower’ на Пост Малоун и Све Ли стана највисоко сертифицираната песна на сите времиња, соопшти асоцијација на музичката индустрија RIAА. Песната која оригинално беше издадена како дел од саундракот на Спајдермен филмот „Into the Spider-Verse“ станала 17 пати платинеста! Башка две милијарди прегледи на Јутјуб. 

Човек го судат за убиство на неговата девојка. Обвинието го товари дека ја задавил. Но, тоа е само едната страна на приказната. Другата, неговата, е дека тој не ја задавил туку дека таа сама се угушила додека му приредувала орален секс. За да ја докажат својата верзија, одбраната бара тој на поротата да ѝ го покаже „главниот виновник“ од кој настрадала кутрата.

Три фондови: Блекрок, Вангард и Стејтстрит контролираат имот во вредност над 15.000 милијарди долари. Во овие пари имаат удел во најголемите западни компании што произведуваат вакцини (и Фајзер и Модерна и Џонсон и Џонсон), во најголемите западни компании од воената индустрија (и Локхид-Мартин и Боинг и Нортроп), плус ги има во банки, плус ги има во медиуми, плус ги има во транспорт.

Суштеството дента излегло „од плакар“ за да обзнани дека се чувствува како триџендер. Елем, како триаголник, имал/а/о/е три идентитети: маж, жена и нон-бајнари. Што значи дека секојдневно се чувствува како 1) маж, 2) како жена и истовремено како 3) ниедно од тие две. Чекај бе несреќо, сите три идентитети се согласиле баш околу тој кармин?

Деновиве низ бугарскиот парламент, за интервју за БТВ, се прошета Кубрат Пулев, некогашниот бугарски боксер во супертешка категорија, а сега пензионер, и уште од сега почна да строи пратеници. Кубрат нема изразено некои политички амбиции, ама па немаше и Бојко кога беше обезбедување на премиерот.

Студии покажуваат дека погледнување во очи, најдобро во свои, ја зголемува самоконтролата на човекот и свесноста за себе. На пример, покрај патека за точаци ставиле таков постер и незгодите се намалиле за 65%. Затоа ова со фрижидерот, пред да го отворите, да се погледнете во очи и да си кажете: Нели се најаде бе, свињо? 

Холандска телевизија прави дебатна емисија околу нападите од активисти врз цивилизациски ремек дела и со цела пристојност во емисијата покануваат еден од „борците“ за екологија кој е дел од неодамнешните акции. Бидејќи човек што нема пристојност околу Моне или Ван Гог нема зошто да има пристојност околу некоја телевизиска емисија, истиот овој активист решава да им се залепи за маса на сред снимање. Го решија за една пауза за реклами.

Снимка од некакво сајберспорт првенство во ПУБГ на мобилен. Сигурно е популарно, сигурно има и пари во ова, ама ништо од тоа не помага.

Во рускиот градот Калуга се одржува „имерсивен спектакл“ во кој публиката, според сценарио, треба да мине низ искуството да биде киднапирана од припадници на украинската армија. И изгледа прилично автентично.

Инцидентот се случи на Dallas AirShow. Поголемиот е Боинг Б-17 (Flying Fortress) а помалиот P-63 (Kingcobra), обата винтажни борбени авиони од Втората светска војна. Медиуми наведуваат дека во несреќата загинале шест лица.

Не, насловот не е метафора или игра на зборови. Се работи за прави правцати бонбони од чварки/џимиринки. Ова би требало да го има во секој дом, канцеларија, по нотари... и нормално, да се фрлаат на венчавки!

Америка е станата толку непомирливо поделена и антагонизирана (да, бетер од кај нас), што нема да чуди ако некој ден таму не пукне граѓанска војна. Тие резови не одат само по стандардните политички разлики туку сечат длабоко и во основните клетки на општеството, како што е семејството. Пазете го вие ова говно од ќерка.

Бил Бур остануе врв на денешната комедија, благодарејќи на тоа како умешно ја транзитираше својата позиција, од гневен тип напизден на сè, на некој кој денес има жена и дете, ама уште има што да каже. Дека редовно го смее Конан, сме покажале. Овде имате едно нивно дружење во кое и Бур знае да тргне на смеење. За Конан да не правиме муабет. 

Тоа што електричните возила немаат ауспух, не значи дека сме ги елиминирале емисиите, туку дека само сме ги преместиле на некое друго место. За да се произведе батерија со енергија колку еден барел нафта, потребни се 100 до 300 барели нафта. Една минута (молк) за електричните возила.

Телевизискиот доктор и продавач на шашми, доктор Оз (Мехмет Ченгиз Оз) ја изгуби трката за место во Сенатот како претставник на Пенсилванија. Изгуби од Џон Фетерман, човек кој пред пет месеци преживеа мозочен удар. Ќе видите сами до каде стигнало опоравувањето, што поразот на Оз го прави уште поголем резил.

Претседателот на Ел Салвадор, Наиб Букеле, им нареди на затворениците припадници на Мара Салватруча, една од најозогласените криминални банди во Америките, со токмаци да ги искршат сите гробови на локалните гробишта на чии надгробни споменици има обележја на бандата. Букеле годинава објави отворена војна против бандите.