Во интервенција во метрото под Менхетен полицаец црнец решава да не прибегне кон стандардното празнење пиштол во црнец па прашување што / како / зошто. Во редок пример на дупла среќа за осомничениот, на лице место е присутен и белец полицаец кој исто така не посегнува по пиштолот. Ок, ќотек има, ама и тоа е взаемно.

Звукот е од зомби апокалипса / игрица и е монтиран на видеото, и ништо друго не е монтирано, само обично утро во Индија со луѓе што чекаат превоз за на работа.

Го однела својот тригодишен син на педијатар, тој го прашал што е, машко или женско, малиот рекол дека е женско. И оттогаш, малиот го третираат како женско. Добро што не го прашале дали е куче или маче, може со глувци ќе го хранеа.

На Фокс њуз гостува поранешниот директор на ЦИА Џејмс Вулси. Запрашан дали некогаш ЦИА се мешала во избори во други држави, Вулси одговара дека се мешала, ама тоа било порано, а понекогаш и сега.

Багват Ман, премиерот на 28-милионскиот Пунџаб, за да ги воодушеви своите симпатизери и да покаже дека е во ред водата во светата река Кали Беин, реши да се напие чаша вода директно од реката. Ене го сега во болница, како што објаснуваат од неговиот кабинет, не заради чашата вода, туку заради редовна проверка.

Стотици африкански мигранти кои којзнае колку време дремат во мигрантските кампови во Франција деновиве извршија упад во бегалскиот камп во кој се сместени украинските бегалци во знак на протест за привилегираниот третман на Украинците, кои за волја на вистината не беа толку волни како нив да ги напуштат своите домови.

Француски инвентор на безбедносно стакло од 1930-те ја замолува својата сопруга пред лице да држи парче непробојно стакло додека овој со повеќе истрели од пушка од десетина метри оддалеченост покажува дека стаклото стварно куршум не го бие.

Русинка е фатена како детално и педантно ги покрива регистрациите на своето Бентли за да избегне плаќање паркинг на улица во Москва. Каталошката цена на овој модел на Бентли е нешто 65,3 милиони рубљи или по сегашен курс нешто над 1,1 милион долари.

Истиве овие што владеат со стотици милиони луѓе и имаат неброено оружје и моќ под себе, со години гледаат еден на друг да си го спуштат и кој кого ќе натера подолго да чека. Последниот пенал го имаше Ердоган за време на самитот во Иран.

Кога имаш толку многу велосипеди по глава на жител / турист и толку многу километри под канали, невозможно е првите да не завршат во вторите. Ама и бројките на точаци што се вадат од каналите се невозможни.

Естонски земјоделец бара оштета од 1 милион евра за зијанот што му го направил еден украински бегалец кој го вработил како помош на фармата.

Украински војник има шанса да го сними видеово од фронтот само затоа што Ајфонот што го носел се нашол на право место во елекот што го носи за време на борбите.

Русин кој јуначки војната ја минува во Фиренца е вџашен од тоа што тамошниот бутик на Ботега Венета (огин ем пламен) одбива да му продаде што било само затоа што бил Русин.

На камионџија во возење му се истура целиот товар гајби со пиво. Камионџијата застанува и не јаучи и пцуе сè до трето колено, туку почнува да го расчистува хаосот. Луѓето што се најдоа таму не седат на страна и да фаќаат сеир туку фатија и тие да чистат. Колите што минуваат не ги оптоварија свирките и не направија непроодна гужва, туку педантно го заобиколија хаосот. Јужна Кореја, посвој нè.

Перидов самото тоа што ви стигнал багажот е чиста премија и пожелно е на тоа да мислите дур го гледате видеово.

Не дека на некој не му е јасно, ама многу полошо изгледа кога ќе видиш како еден хангар и купишта евтини смартфони се доволни за насочувње на која било јавна политика или мислење. А понудата е за сè што ќе помислите или има на интернет.

На почетокот од војната во Украина аеродромот во Хостомел беше клучен столб на првичните планови на руската инвазија, како точка во близина на Киев од која Русите ќе можат логистички да го одржуваат освојувањето на укранинската престолнина. Видеото е монтажа од руската страна на борбите во кои падна Хостомел. Видео од повлекувањето од аеродромот се уште нема.

Наводно видеото е од приведување на украински полицајци кои на локалците констатно им барале рушвет. Ништо организирано, едноставно еден од локалците им се пожалил на војниците кои биле на минување за тормозењето од полициското дуо.

Дел од Џавелин и НЛАВ американските и британски рачните ракетни фрлачи некако завршиле во Пасат караван со албански таблици, кој пак некако завршил џенем во некоја недојдија на украинскиот фронт.

За Путин фронтот со Западот е на ниво на светски поредок и според него со војната во Украина е започнат незапирливиот процес на „транзицијата од либерално-глобалистичкиот американски егоцентризам во вистински мултиполарен свет“.

Доаѓа од Кина и не е јадење бубачки, кучиња, лилјаци или што и да е, туку нов систем на наплата. На каса ставаш лице пред камера и понатаму системот знае и кој си и кај ти се сметките и од кој сметка да ти наплати.

„Како човек што помагал да се планираат државни удари - не овде, на други места - тоа знае да испадне многу работа“, му се пожали Џон Болтон на Џејк Тапер од CNN. Во меѓународната дипломатија Болтон важи за насилник. На шефот на комисијата за инспекција на хемиско оружје во Ирак му има кажано: „Знаеме каде ти живеат децата.“ Багра со дипломатски имунитет.

Што од бокс, што од ботокс, човекот физички одамна не е истиот каков го паметиме од неговите добри денови на Девет ипол недели, Дива Орхидеја или Ангелско срце, но ментално и натаму е фајтер со куроболие пуштено на најјако. Беше кај Пирс Морган и лежерно му се насра на Том Круз кој „игра иста улога 35 години.“ 

Ако најдеш начин да се убедиш себе дека логиката е излишна и не ти пречи да измислуваш, речиси и да нема дебата што не можеш да ја добиеш, со кого било. Многу работа врши и ако можеш од ништо да креираш дека си нападнат.