Да потсетиме на едналегендарна сцена со него, кога стигнува со службена кола и Ангела Меркел, која е таму за да го пречека, ја остава да кмиши, пошто е на телефон. Замислете му ѕвонел мајсторот и му рекол дека бојлерот не се прави, а овој фатил да му објаснува дека само термостатот треба да се смени.  Е, до толку му беше до Меркел и протоколите.

Ако вашето дете на возраст за градинка ја вади корката од лебот и ја сака само средината, тоа може да изгледа како банален детал, небитен за неговото добро. Чекајте да чуете каква верижна реакција предизвикува: од растот на вилицата, положбата на јазикот, циркулацијата на воздухот, место за забите, лачењето на плунката, имунитетот до - сколиоза!. Тоа се сепак само млечни заби? Ќе чуете и за тоа.

Лондон деновиве се кити се ЛГБТ знамиња кои треба да дојдат на место на речиси постојано присутните британски знамиња. На дел од минувачите не им е сеедно, а изгледа ниту на тие што ги местат. Во некои други времиња, остранување и фрлање нечие државно знаме се толкуваше како прогласување војна.

Од „не носете маска“ до „носете маска и глејте како се става“. Од „со вакцината сте заштитени од зараза“ до „со вакцината не сте заштитени баш скроз“, од „јас не предложив затворање на школите“ до „денес му предложив на претседателот да се затворат школите.“ Овој да беше наш, ќе се презиваше Заев или Пендаровски.

Маж и жена разговараат за тоа малку да го размрдаат својот сексуален живот, па за почеток се договараат жената да дојде во спална облечена како медицинска сестра. Како е договорено така е и испорачано, само сега оди прибери го мажот од смеење.

Кога на стартот на независна Македонија овдешниот етер беше „50 нијанси сиво“, врз него кофи бои и убавини ненадејно истури една италијанската вариететска емисија. Non e la Rai. Од 1991 до 1995 година, од две медиумски платформи на Силвио Берлускони (Медиасет и Италија 1). Њему хвала, иако тогаш првпат се прелажавме дека „шо знаеш, може еден ден и кај нас вака....“ Аха, да.

Алди, глобалниот ланец супермаркети, во Лондон отвора дуќан кој личи на најпријатниот обид на Западот да се воведе драконски систем за социјални оценки и ограничувања до кој моментално не е стигната ни Кина. Сето тоа е спакувано во уште една технолошка новина која безазлено нуди влез во маркетот само за оние што ја имаат симнато Алди апликацијата и ја скенирале на влез, што е одлична основа на која потоа може сериозно да се надградуваат секакви функционалности.

Фрапантно изгледа графичкиот приказ на американските воени бази по светов. Ги имаат погусто отколку што ние во Македонија имаме амбуланти. Нач'чкани дури и покрај самиот кинески брег. Но и заклучокот на еден од присутните не е за фрлање: „Баш на овој начин пропаѓаат сите империи. Наместо да ја зајакнуваме сопствената држава, ние праќаме пари во Украина“. 

Занимлива и многу прегледна анализа на статистиките на човечкото население на Земјата. Да бевме 100 луѓе, само 11 ќе беа Европјани, 15 Афиканци, 14 Американци и дури 60 Азијати. 30 луѓе ќе ги зборуваа петте најголеми јазици (кинески, шпански, англиски, хинди и арапски) а остатокот (70 луѓе) ќе имаа на располагање 6.500 живи јазици. И уште многу интересни пресеци.

Ричард Докинс наоѓа интересна паралела меѓу транс-идеологијата (ја вика транс-бизнисот) и христијанската доктрина по која лебот и виното, за време на причестувањето, стануваат Исусово тело и крв. Како што едните веруваат дека виното може да биде само навидум вино а во суштина да е крв, така другиве веруваат дека некој што има пенис, само ефемерно е маж а во суштина е жена. Боже ме опрости.

Ситуацијава не е тешко да се дешифрира: Обично мажот го зема кучето да го прошета. Знаат богами и да се задржат, сака тој убаво да се протегнат и тој и кучето, здраво е. Еден деn, кучето за прошетка го зема жената. Излегуваат во маало и случајно проаѓаат покрај една кафана.

Едно-две, ќе се потсетиме колку ни фали човекот кој во 2016-та замина за да стане ѕвездена прашина. Главно кога ќе ја рокнеме онаа париска изведба на Heroes или некоја друга, но овој пат на Боуви нè потсети неговата ќерка Лекси, вадејќи старо домашно видео од неа кога била пинцур и ѝграла со татко ѝ во дневна.

Целиот напредок што се случува во вештачката интелигенција помогна Фотошоп во својата најнова верзија пак да извади функција што изгледа како чиста магија. Ти му даваш слика, па потоа бираш дали ќе му кажеш што да додаде на сликата, или сам да пополни тоа што мисли дека недостасува. Нормално дека опцијата ја пробаа за порно.

Нивните новинари во последно време одат на интервјуа решени по секоја цена да го фатат соговoрникот во тесно, но толку се фиксирани и коцкасти во тoa посакувано сценарио што ако малку ги изместиш од замислената траекторија на разговорот, им се кочи софтверот. Прво налетаа на Илон Маск а сега на Ендру Тејт. А овој па, една вилица, да не почне да збори.  

Во источниот дел од Канада се случуваат масовни, ама масовни пожари кои опфаќаат илјадници хектари. Пожарите периодов почнаа да се симнуваат на југ, а и понатаму се доволно обемни за чадот од нив да стига до Њујорк и целосно да го покрие „главниот град“ на светот.

Кратка снимка од Сан Франциско деновиве, град во кој даскали и професори во средно живеат по шелтери или хостели затоа што не можат да ги платат високите кирии (види: Сан Франциско ја покажува иднината на капитализмот). Цепки е што сето ова е баш како некогаш ние, за првомајските празници. Горе оди државното знаме, веднаш под него партиското. 

Jako тролање на најбрзо растечкото движење на прогресивниот Запад (сè ќе се направи само да не му текне на човек на битните теми). Дечкото шалта идентитети пошто му се може. Еден од омилените му е да биде Саша Петров, 45 годишна руска проститутка, кога може да го користи женското веце на работа, за што наидува на разбирање од колешките. „Саша сере ко дива свиња,“ вели една од нив. 

Најгледан филм денес не е новиот Спајдермен, новиот Fast and Furious или Малата Сирена. Најгледан е оној што го најавивме уште лани во мај, па пуштавме исечоци, a пред некој ден можевте да го видите бесплатно на Твитер, со препорака од Илон Маск. Е, тој филм, за само пет дена го имаат видено преку 170 милиони луѓе. Партали! Авторот, Мет Волш, го има Пирс Морган. 

Постојат различни стилови на водење емисија, во зависност од жанрот и посакуваните ефкти. Може тоа да биде лежерно (Роган), а може да биде и напнато (Ефтов), да се испровоцира гостинот, па ако стане и напушти емисија - жив ќар. Генерално емисиите се сведуваат на мачење од гостинот да извлечеш одговор кој тој би го избегнал. Но, не сите се мачат до толку.   

Илон Маск: „Ова е голем проблем. Активно ќе лобирам да се криминализира правењето тешки, неповратни промени кај малолетни деца. Срам за оние кои го заговараат ова! Тоа е за краен презир“. Џордан Питерсон: „Затвор. Долготраен. Без помилување, без милост. А истото можеби и за попустливите „терапевти“ како и за касапите што го овозможуваат“.

Цела Сахара може да се покрие со соларни панели (и онака кмиши, пустата) и така да се добијат 2,5 милиони терават-часови, доволно струја за 96 планети Земји. Ама после Сахара ќе почне да се лади, ќе фатат огромни океански циклони и пошто нема вода за секаде, дождовните шуми на Амазон ќе се претворат во пустина. Никако човек не е...

„Колку повеќе ја „обојувате“ ЕУ во црно, толку повеќе ќе расте популарноста на личности како Путин“, нè опомена холандскиот амбасадор. Кабаетлии биле политичарите, дел од медиумите и невладиниот сектор „кои ја обвинуваат ЕУ за долгото чекање на земјава пред вратите на Унијата“ (а нема врска, нели?). Ај важи, светилник за европските вредности отсега ќе ни биде твојот премиер.

Ако мислите дека во Европа ве угнетуваат заради бојата на кожата, дојдете во Нигерија, и тука исто ќе ви се случи, ама барем може да бидете сигурни дека тоа нема да има врска со бојата на вашата кожа.

На прво гледање ликов закача / малтретира недолжно девојче што се качило во метро. На второ гледање, ликот е професионалец што не е прв пат во Барселона и само што спаси една жена да не биде ограбена.