Да беа ова снимки од 80-тите, ќе беше тоа еден сосема вообичаен викенд во Нови Пазар во кој е закажан концерт на Синан Сакиќ или Шемса и Јужни ветар. Ама, ова се снимки од оваа ера на ЧетГПТ, од Белгија, од европски фестивал на горди носители на фамозната „тарзанка/џегерица/ џигерица“. Тоа е една грдотија која боли, ама па од друга страна, ги заболе нив што другите мислат за нивната фризура.

Експериментот на девојката ги потврдува претпоставките, особено во поглед на спуштањето на промилите и трезнењето во кое разликата испаѓа дупла (ама и забавното трае дупло). Додуша, нејзиниот експеримент се сведува на само четири шота вотка. Ние познаваме луѓе кои пијат четири ракии пред да решат дали дента ќе се напијат нешто.

Американец дал оглас во кој, покрај останатото, на крај наведува дека „Азијати не доаѓаат предвид.“ Бидејќи е тоа крајно необично и идиотски да биде напишано, новинарска екипа тргнува дас го најде расистот. Стварно така напиша? Стварно. Ама зошто? Затоа што се идиоти.... Пар секунди подоцна, се открива пресвртот.

Како и секој стар човек, и Џо Бајден е греота да се закача заради староста ама па уште погреота сме сите ние на планетава ако остане (макар номинално) на таква позиција со таква физичка и ментална кондиција (кон крајот на тој мандат би бил комплетен холограм). Трамп го сподели овој спот со фановите. "Joe Biden & The Alzheimers", бе!"Keep falling", бe!

Нашле кого да прашуваат од каде ја црпи инспирацијата за пишување и творење. Стариот одма покажува на боцата која му е во рака како што куката му е на капетан Кука. Накратко: вино и пиво - да, виски - не. Второво пребрзо те пијани и стануваш премногу драматичен и онда срање. Со пиво или вино можеш со саати. Проверено.

Еден дражесен детал “од втор план“ на големата и битна руско-кинеска средба на ниво Путин- Џинпинг. Двајца бодигарди од руското и кинеското обезбедување. Застанаа еден покрај друг, се видоа, си климнаа со главите и се разбраа дека сè е ок. Колеги и професионалци, со почит за лебот што го јаде другиот.

Ако идните генерации не испаднат уште поголеми овци од нас (а натаму е тргната работата), гледајќи ја ова видео компилaција од ерата на пандемијата, ќе си помислат дека ние сме биле најголемите бруки во историјата. Но, ако сепак испаднат поголеми овци од нас, ќе го изгледаат видеото и ќе si речат, блазе си им, колку лабави биле тогаш.

Како што самиот интернет спонтано „се избугари“ па од нешто кое ти дава пристап до речиси цело светско знаење се сведе на скролање по сè побанални содржини или кавги на социјални мрежи, така неславно заврши и „порталот“ меѓу Даблин и Њујорк, кој даваше шанса да ги видиш и да те видат оние од другата страна на океанот. Уште окцата не трепнаа, надлежните решија да го затворат порталот заради непримерно однесување. 

Кратко инфо за еден модерен тренд за ослободување од гневот кој ни се собира во секојдневието а се трпи заради општествените кочници. Не е менаџирање на гневот туку негово истресување: врескаат колку што ги држи глас и маваат со стапови по земја додека „коучот“ ги храбри „удри! удри!“ После тоа се осеќале блажено испразнето и биле спремни да се свртат кон порадосни содржини. Значи исто како после тресење теписи.

Двајцата се гости кај Грем Нортон, Клиз раскажува за табиетот на неговата покојна мајка која имала одлична смисла за хумор, стално се изненадувала што е нешто депресивна во последно време а синот едно време ѝ понудил и решение за тоа. Колку е Клиз урнебесен во својот црн хумор, толку е забавно да се посматра Свифт на која веројатно не ѝ е јасно кој е овој чичко и како може такви работи да кажува на телевизија.

Суштеството се смета за транс-активист и верува дека е заробен во погрешно тело (зошто некогаш не помислуваат дека можеби се заробени во погрешен ум?). Сака да му се монтира комплет женски репродуктивни органи (матка, јајници, јајце клетки, шоидатреба) но не за да може да роди туку за да може да абортира?! Оти па така лесно ќе најде некој кој ќе сака да го забремени.  

Елитната воена авијација на Франција да ти била на дереџе на македонскиот владин ПР кој изминативе години не може знаме на странски гостин да погоди. На пречекот на олимпискиот оган на парада во Марсеј на која се собраа 150.000 луѓе, авионите ги испомешаа боите па го утнаа знамето на Франција. Ај што го утнаа своето, туку што го исцртаа руското знаме.

Да, голема. Но, поголема е отколку што се чини на прв поглед. Ако милион секунди се 11 дена, милијарда секунди се - 32 години. Контрастите се секогаш уште повпечатливи кога во прашање се парите: кога некој би ви давал по 100.000 долари секој ден, што мислите, колку време би било потребно за да станете богат колку Илон Маск и да имате 180 милијарди долари? Ама, еве 7024-та кај е.

Во едно крајбрежно белгиско гратче неодамна бил одржан европски натпревар во имитирање галеби. Се пријавиле 50-тина натпреварувачи а жирито било составено од орнитолози, биолози и други природонаучници кои вредно слушале и оценувале како овие врескаат и квичат. Победник е еден мисир од Холандија.

„Крекхед Барни“ ви е нешто како Саше Политико (пред да попие воспитна), атеншн хор што оди наоколу со телефон и малтретира. Нејзиниот хистеричен глас го запознавме во ситуацијата со Алек Болдвин (види „Колку трпи Алек Болдвин“) кога го напнуваше да каже „Слободна Палестина!“. Ама оној садо-мазо Пирс Морган мораше да ја викне во емисија! А ние па моравме да кликнеме, кликот да ни се исуши!

Пластични хирурзи предупредуваат дека Холивуд го зафаќа криза на „Оземпик фаца“, карактеристична за брзо слабеење за кое е заслужен Оземпик, лекот за дијабетес (кој го има креирано ќерката на Лазар Мојсов, висок комунистички функционер од Македонија). Не е само Холивуд туку е глобална манија: на ТикТок има 86.700 видеа тагирани со „оземпик.“ Каква е оземпик фацата? Скоро како кај Рацин: „веѓи паднаја надолу и усти се свија кораво“.

Оние кои имаат јаки раце, одат па се буткаат на раце. Оние кои имаат јаки нозе, одат па се тркаат со точаци. Оние кои имаат јаки лакти, напредуваат во кариерите. Што прават оние кои имаат јаки уши? Сега ќе видите. Ама па добро, на овие јадници кога им горат ушите, барем знаат дека не е од тоа што некој ги зборува.

Озборнови ја коментираат веста за оној што се ожени со сијамски близначки. Откако дознаа дека имаат две глави ама останатите органи ги делат, вклучително и оние долу (Ози: Што, едно комплетче?), следуваат урнебесно нормални и здраворазумски прашања: Дали мажот има право да ѝ стави перница на глава на онаа другата и пред сè, кога ќе дојде време за оргазам, на која ѝ следува? Луда, прекрасна фамилија.

Гостин на CNN, на водителката ѝ кажува дека постојат само две работи во кои апсолутно верува. Во првиот амандман (слободата на говорот) и во - цицки. Јако е колку пати нејзе не ѝ се верува дека го слушнала тоа што го слушнала па потпрашува да не не рекол случајно цицки туку грицки или мицки. А најјако е колку пати е он спремен да ѝ повтори точно кои две работи никогаш не го изневериле.

Знаете дека не сме баш фанови на тревопасната исхрана ама дечково шампионски победи во аргументацијата. - И животните јадат други животни, почнува новинарката. - Да, ама 75% од нив се тревопасни. Тука таа прави навидум стандардна и добра забелешка, не сфаќајќи дека си прави замка: - Ама лавот кога ја јаде зебрата? Така ли? Елај да чуеш зошто не си баш лавица. 

Имаме објавено разни пакетчиња од Цане Патрибрејкерс, дечкото кој е енциклопедиски пример за лежерно куроболие. Ова е мало и слатко видео пакетче. „Дали би отворил концерт на Цеца?“ прашува новинар кој e убеден дека е јако оригинален. Цане го сослушува прашањето и на попот кој седи до него, му вика: Попе, за овој да се појачаат молитвите.

Како што кај нас се пишуваат што и да треба според балансерот, така шпанските војници го сконтаа упадот на транџите во женскиот табор и сфатија дека женските војници имаат поголема плата, подобро сместување, поголеми пензии... Капак на победата е што откако ќе се изјаснат како жени, можат да си ги задржат брадите пошто ако порано важеше „жену дупе краси а торту ораси“ по ново е „не гаси ми мушку наду, пуштај бркове и браду.“

Луд хилбили ја шеба мајка му правејќи в кола невидена сцена и кавга со замислен противник. Две главни причини има за нашата препорака да го видите ова: прво, реднекот е апсолутно фантастичен како го изведува тоа (со душманот кој демек седи позади, го текне за коса, го мава од волан) и второ, уште поважно, да го видите крајот. 

Сувоњав дечко упаѓа на онлајн состанок ама му кажуваат дека тоа е клуб на дебели квирови. Нема проблем, баш за тука сум, пошто сум квир и дебел. Ништо не им е јасно па им објаснува дека не само што е нон- бајнари кој преферира да му се обраќаат со he/them, туку и се идентификува како лице кое има 124 кила. Да беа паметни колку што се дебели, ќе сконтаа дека тролот ги лупа баш со нивното оружје за „самоидентификација“.