Каква озбилна машинерија е Рамштајн, чудо едно. Видеото е тајм лапс од подготовките на бина и друго што е потребно за еден нивен стадионски концерт (во Дрезден). 6 дена и 60 часови работа спакувани во 2,5 минути. Дигалки, кранови, чуда, врагови. Кај нас и да дојдат (а нема да дојдат), знаеме луѓе кои ќе речат, кој ги врти бе, со тие пари знаеш што скара и шприцери може да утепаме?

Мај, улица Тверскаја. Снимал Шарл Моисон од компанијата на браќата Лимиер. Колоризирано и дигитализирано на 60 fps.

Верувајте, сакате да го слушнете говорот на раперот Килер Мајк во поддршка на Берни Сандерс. Страсно, моќно, човечно, искрено и без калкулантство. Емоции и увереност какви ниту сме виделе ниту ќе видиме на наш терен. Од што ни направи ќеиф, го преведовме.

Кај нас нема шанси за вака лабав извештај. Прво оние партиските преторијанци сомничаво ќе те скенираат за да сконтаат дали си од (не)непријателски медиум за да заземат став по однос на тебе, а после објавувањето на видеото ќе ти се јавуваат луѓе од штабовите за да те дрват дека намерно си ги бирал најглупите нивни фанови и дека знаат они кој тебе те плаќа.  

Саемот кој е еден од најголемите годишни настани за авто-индустријата требаше да трае од 7 до 17 март, ама заради коронавирусот кој се појави на сосема другата страна на светот тој пред некој ден беше откажан од организаторите. За жал на компаниите, тој беше откажан премногу доцна, кога тие веќе ги имаа поставено своите милиони долари вредни штандови и сценографии.

Снимено за време на подготовките за претстава / парада / патронат во некое руско училиште. Темата што треба да ја совладуваат момчињата и девојчињата е марширање.

Без да каже на никого од колегите ниту на екипата која ја реализираше емисијата, долгогодишната новинарска ведета на MSNBC, Крис Метјус, реши да се одјави од етерот и комплетно да ги збуни сите.

Кога еден бахат политичар ќе ставите 'од другата страна на шанкот'. Поблиско доаѓање до комплетен нервен слом немате видено.

Секое другарство со тек на време доаѓа до точка кога треба на другиот да му плеснеш во фаца нешто што до тогаш се премолчувало. Па ако и после тоа останете другари сè е ќар.

Откако прво алармираа луѓе што сериозно изучуваат и се занимаваат со готвење, сега и Би-би-си се вклучи во целиот лов и разоткривање на лагите што се сервираат во овие совршено убави видеа. И Би-би-си имаат сериозен мотив за тоа: овие видеа веќе собраа милијарди прегледи, а освен физички неизводливите рецепти, почнаа да шират и рецепти што се опасни за живот, на пример тоа дека јагода може да стане бела ако доволно долго време се држи во варикина. Да може, ама после јагодата ќе биде полна со варикина.

Додека не сме почнале да купуваме и зејтин на АлиЕкспрес, да видиме како функционира кинеската нелегална (крајно нелегална) маслодајна индустрија.

Нови работни места, обновување на инфраструктура, здравствена заштита, даноци, екологија, борба против криминал, оправање судство, се работи што може секој политичар да ги вергла по митинзи. Трамп не е секој политичар.

Северот на Сирија. Колона воени возила, половина американски, половина руски. На оваа вторава половина не и се сака да биде позади, а првата половина упорно гради простор. Налет ако вака почне Трета светска војна.

„На Вашингтон не му треба воената помош на членките на НАТО, му треба дипломатското покритие кое НАТО земјите го обезбедуваат за војните на Вашингтон“ - доктор Пол Крег Робертс, економист, предавач на Стенфорд, своевремено советник на американскиот конгрес и висок функционер во администрацијата на Роналд Реган, одликуван со орденот Легија на честа од страна на францускиот претседател Франсоа Митеран.  

Ако овој живот е само мачење а вистинскиот почнува со нашата смрт, зошто онолку попови голтаат апчиња и кмишат по доктори за да си ја продолжат маката?

Пред некој да тргне со легени на Водно, да знаете дека убаво си пишува, не „во шума“ туку „со шума“. Шинрин-јоку е древен јапонски ритуал за ре-конектирање со природата заради низа ментални, духовни и телесни аири кои може да ги  донесе оваа декомпресија од урбаната џунгла.

Сериозно документирана и ефектно прикажана трансформацијата на третиот по големина градот во Сибир во последните две децении. Скопје да гледа и да си поплаче: кај што можело парк - парк, кај што требало улица - улица. Ништо нач'чкано како Дебар маало, ништо закрчено како Кисела вода.  

Ако успеете да го тргнете погледот од расното деколте на Мекензи (или лажно да ја оплакувате како, ете, огромните импланти ѝ ја тегнат кожата), ќе уживате во искрениот и полн со занимливи детали муабет на овие двајца порно ветерани.

Да видите само што содржел „комплетот за преживување“ кој на располагање го имале пилотите на ЈНА. Оној што го составувал пакетот се водел со идејата „ако ти паднал авионот, не мора да ти падне и шеќерот.“

Кујнски фори што веројатно подобро функционираат на видео отколку во кујна, ама затоа што се вака фино спакувани и претставени нема зошто да се сомневаш во нив освен ако не ги пробаш.

Некој од друштвото со себе тегне количка со куп смартфони (кои постојано комуницираат со апликацијата), Гугл тоа го толкува како гужва, ја бои улицата во црвено, другите возачи го гледаат предупредувањето па одбираат алтернативни рути. За тоа време, на раат играте сервис. Победа!

Планот за болницата специјализирана за третман на оболени од коронавирусот (1.000 легла и 1.400 лица медицински персонал) бил направен за пет часа а драфтот на дизајнот за 24 часа. Потоа Кинезите се фатија за работа. Илјадници работници, 800 парчиња тешка механизација, 24 часа на ден. Отворањето на болницата е закажано за 5-ти февруари.

Постои суштинска разлика меѓу осаменост и еден здрав офф. Да се биде сам со себе а тоа да не ти е досадно (бидејќи само празните и досадни луѓе се досадуваат кога се сами). Како дидактичка подготовка за оваа вежба, да се обидеме да ја прочитаме целата порака на Андреј Тарковски без да помислиме дали имаме нови лајкови или нотификации.

Британка, постара, фатила дечко Египќанец, помлад, па ја викнале на утринска програма малку да позбори за врската. А бабата збори, не застанува.