Според традицијата, со првата сесија на нов француски парламент заседава најстариот новоизбран пратеник а му асистира најмладиот. Во случајов тоа беше 22 годишниот Флавијан Терме од партијата на Марин Ле Пен кому никој од колегите и колешките не му пружи рака, еден му изигра лист-камен-ножички а Себастијан Делогу, алжирски мигрант од Марсеј, дури и заканувачки го зазјапа, како пијан цреп во селска дискотека.

„Допрва ќе се гледаме во Брисел, со мене нема да ти биде лесно “ ѝ порача полската европратеничка Ева Зајачковска на Урсула фон дер Лајен, откако оваа обезбеди втор мандат на чело на ЕК. Зајачковска се смета за конзервативен либерал и оценува дека вториот мандат за Урсула е најава за дополнително урнисување на ЕУ. Тоа го пиша после изборот, да чуете што сè и плесна в лице на седницата!

Џо Бајден, јули, 2021: „Ако сте вакцинирани... имате преку 98% шанси НИКОГАШ да не закачите коронавирус“. Џо Бајден во јули 2024-та ТРЕТПАТ фаќа ковид. За неговите медиумски трабанти, ова е слично на атентатот на Трамп, па ако Бајден се опорави од ковидот на овие години, и тоа е доказ за неговата сила и божји знак дека треба да биде претседател.

Градоначалничката на Парис, Ен Хидалго, ги исполни ветувањето дека до Олимписките игри ќе успеее да ја исчисти и да ја направи безбедна за капење реката Сена која долги години беше гадотија. Стотина години во неа никој нормален се нема бањато. На девет дена до Игрите, Хидалго се брцна во реката за да демонстрира дека е чиста. 

Викендов 20-годишен дечко со пушка во рака се качи на кров од објект на нешто повеќе од 130 метри од местото на кое Трамп држеше говор и истрела куршум кој благодарејќи на милиметри не доведе до граѓанска војна во САД.

Меѓу оние јадници кои партии го довлекуваат со автобуси за митинзи, за сендвич или како веќе тоа оди, ќе најдете поербап луѓе со интегритет отколку меѓу овие млади, освестени и прогресивни про-палестински американски пацери кои се собрале за да дадат поддршка за каузата. Дечкото фати да ги прашува за што протестираат. Еден не најде да му одговори.

Повторно расте интересот за зелените кровови по една нова студија која покажа дека додавање вулканска пепел на нив ги стабилизира температурите, штити од троскот, ефикасно ја решава водата и не е потребно одржување. Со вложување во зелени кровови 10 милијарди долари, во САД би можеле да се создадат 190.000 работни места и да се покријат 4,5 милијарди квадратни метри кровен простор.

Трамп во знак на пркос сепак реши да не зема боловање туку да се појави на републиканската конвеција во Милвоки. А таму на терен се случуваат две темелни промени врзани со Тајната служба, задолжена за неговото обезбедување: прво, сега ги има како мравки во мравјалник, второ, по перформансот и резилот што жените агенти го изедоа во Пенсилванија, во обезбедувањето инстантно беа укинати сите квоти за разноликост и застапеност на жените.

Вчера и денес ќе имавме сосема поинакви вести ако Трамп во последна секунда не ја свртеше главата. На Трамп беше пукано од нешто повеќе од 130 метри.

Пациентка со Алцхајмер редовно бега од домот во кој е затворена така што на свои 92 години прекачува врата и ограда од 2 метра како да се скала.

„Синан е рокенрол. Тоа не може да биде сељана,“ пишавме некаде во 2018 година кога се одјави најголемиот во паралалениот андеграунд. Да додадеме уште некој пиксел во големата слика: татко му свирел во воената филхармонија во Загреб, тој редовно одел во ашрамот на Саи Баба а неговата публика се има самоповредувано како на концерти на Иги Поп. А дека бил тажен и несреќен човек, тоа претекуваше од песните.

Една видео снимка од профил на која се гледа Трамп како држи говор и веднаш над него снајперистите од тајните служби. Дечките се насочени во вистински правец (онаму од каде што е пукано) и не го гледаат дечкото на кровот со пушка, ама затоа веднаш потоа, за неколку секунди успеваат да го елиминираат? Ја чудим.

„Ако почнете со критицизам, па протестирате, па покренете импичмент, па подигнете обвиненија и ништо од тоа не успее, што е следно? Сфатете, итаме кон атентат!“ прогнозираше пред некое време Такер Карлсон. Иста атмосфера на непомирливост претходеше и на атентатот на словачкиот премиер Роберт Фицо а ќе се сетите и како среде една шарена хистерија, еден дедо пукаше на „министерот за смрт“. 

Американски војник со окрвавени раце во Ирак отвора чакри за таа одвратна улога која им ја дала државата. Се присетува на еден случај, кога убил човек па влегол во куќа каде убил друг човек во неговата сопствена спална соба. Што ќе беше ако се запознаеа поинаку, ако животот им дадеше прилика да се сретнат во поинакви околности? Ќе станеа ли можеби пријатели? Тој тоа нема да го дознае, оној другиот уште помалку.

Да, да, до гуша во „пасивен приход“. За тие што не знаат, Мангер беше заменик претседател на Беркшир Хатавеј и најблизок соработник на Ворен Бафет по зборовите на Ворен Бафет. Човекот може да проба да ви помогне, другото е ваше.

Како компанија пресреќен си што Амазон те побарал баш тебе и што е заинтересиран да те купи тебе или твојот производ. По ова следуваат преговори на кои како што е ред компанијата се целосно се отвора пред Амазон до последни детали што за производство, што за технологии, пазари, ќар / зијан итд. Следниот чекор е Амазон никогаш повеќе да не те побара, а за една година да го видиш својот производ под Амазон логото.

Жената пред некои 20 години во нива го нашла чеканот и од тогаш го користи регуларно, за ковање шајки, кршење ореви, а се покажал и посебно добар и за толчење бибер. Неодамна за ова разбира локалната полиција, и полиција ко полиција ја остави жената без чекан.

Во јануари 1999 почнува снимањето на филмот Гладијатор. Ова е од почетната сцена на филмот во која римските легии се судираат со германските племиња. Снимена е во Англија во местото Боурн вуд и тоа откако Ридли Скот дознава дека тамошното шумско стопанство решило да го отстрани тој дел од шумата, па тој вади дозвола наместо тоа да ја запали шумата за потребите на филмот.

Фидијас Панајоту е кипарскиот јутјубер што беше избран за пратеник во Европскиот парламент. Пред некое време разбрал што ќе значи тоа за него во пари. Ќе значи брдо пари. Основната плата му е 8.000 евра.

Сенаторот Марко Рубио зборува за аномалија со која се соочува Флорида. Таму има луѓе кои дошле пред 40, 50 години, цел живот работеле и денес од државата добиваат 800, 900 или илјада долари. Таквите на улица се среќаваат со млади работоспособни „бегалци“ за кои државата одвојува по 1.500 долари месечно. Вториве знаат и по 15 пати годишно да се вратат во Куба од која демек избегале.

Во пандемијата многумина осетија како работењето од дома може да биде благослов или клетва. Но, дизајнот на оваа куќа плус канцеларија на Том Кундиг е со цака: куќата и канцеларијата се споени, но втората е поставена на шини па можеш да се одвоиш (колку што ти е долго имањето). Треба да се предвиди и електрична ограда меѓу двата дела, иначе бадијала си отишол 15 метри понатаму.

„Сонет 66“ е еден од 154-те сонети кои ги има напишано англискиот поет и драматург Вилијам Шекспир. Напишан е во 1609 година што значи дека овие стихови имаат зреено 415 години. И знаете што? Зрнце прашина нема на нив. Ги интерпретира белградскиот актер Воја Брајовиќ, а.к.а. Тихи од Отпишаните.

Нантакет е остров во близина на источниот брег на САД, нешто поисточно од Мартас винјард, и е директно изложен на ударот на Атлантскиот океан, посебно брегот кој изминативе години не запира со ерозија. Куќава што ја гледате е купена за 2 милиони долари, пред некој ден беше продадена за нешто помалку од 200.000.

"Германски земјоделци би загинале на ваква земја“, вика човек на Баер на едно украинско земјиште кое го поседува компанијата, објаснувајќи го супериорниот квалитет на таа земја која е плодна најмалку 80 сантиметри во длабочина. Додуша, германски земјоделци и гинеа за такво земјиште, само што тогаш беа во униформи и беа 40-тите години од минатиот век. Сега гинат други.