Група деца сакаат со песна да ги честитаат божиќните празници. Не се тоа млади од Беверли хилс или од некое кремкасто приватно школо кај што имаат посебни курсеви за вежбање емпатија. Ова е многу подиректно и пооргански.

Песната се раѓа во 1994 во Скопје. Ја пишува најдобриот скопски поет Џовани (на органите познат како Јовица Ивановски), после цели 29 години таа излегува од фиока и се сели за Белград, од каде со додаден шмек од Ема & Џими и Јулија Кастелучи, се враќа во родниот град, со спот - омаж за Скопје, градот кој не престанува да ги инспирира и збунува луѓето кои живеат во него.

Назад во 2009 година. БиБиСи решаваат во програма да ги имаат и Рејџ. Ама, ги потсетуваат дека ќе одат во живо, дека се работи за пригодна божиќна програма и затоа, да нема некое пцуење или некои безобразни зборови. Еве како изгледаше и звучеше епилогот.

Еден од најдобрите кавери кои можете да ги најдете на интернет, засекогаш. Малите ја рокаат Пеинкилер, од Џудас Прист. Поголема кине гитара (почекајте да го чуете солото) ама помалата е со оној најпрекрасен и искрен детски пркос, што, јас полоша да не сум? А не да не е полоша туку е махер.

Бааги надреална сцена: Фу Фајтерс и Рик Естли, заедно ја изведуваат „онаа неговата“. Грол и пајташите еднаш виделе дека и него го има на лајнап, во соблекувална ја навежбале песната и му рекле, ја научивме да ја свириме, сакаш со нас? „Фак, јес!“, рекол дечкото. 

Музиката нема да го спаси светов ама па ни олеснува да го поднесуваме. Чујте ја и погледнете оваа мешана лепота: бахреинскиот музичар Мохамед ал Бахри и неговата дружина „Распеани чаршафи со карирани капачиња од тегла“ (шала, Арапи, шала), ја изведуваат "No Woman, no Cry" од Боб Марли. Цут.

‘Sunflower’ на Пост Малоун и Све Ли стана највисоко сертифицираната песна на сите времиња, соопшти асоцијација на музичката индустрија RIAА. Песната која оригинално беше издадена како дел од саундракот на Спајдермен филмот „Into the Spider-Verse“ станала 17 пати платинеста! Башка две милијарди прегледи на Јутјуб. 

Се разбира дека не, тоест дека не баш. Се работи за гважно-анимирана визуелизација на „I'm Only Sleeping“, една од носечките песни на нивниот култен албум Револвер кој неодамна на интересен начин беше ремастеризиран. Слушајте Битлси, се работи за основна хигиена на слушниот апарат.

Чкембарите сè уште не можат да се пофалат со аеродром, но имаат нова пејачка и музички автор која неодамна дебитираше со рипит потенцијал за врнежливи и други денови. Лакриумариум се вика песната, полна суптилности. Дозволете им на ATA и бандата да ве изненадат.

Пошто Зак ја еба тоа ногата па ги откажаа концертите на кои се остревме есенва да им одиме, ова во моментов е најлутата замена за Рејџ Агеинст Д Машин. Една од нивните химни во изведба на хорот и симфонискиот оркестар на Армијата на Северна Кореја. Рокајте браќа!

Фу Фајтерс на Вембли одржаа трибјут концерт за својот починат тапанар, Тејлор Хокинс, кој во март беше пронајден мртов во хотелска соба во Богота, Колумбија. Чест му оддадоа членови на Квин, Раш, AC/DC, беа таму и Дејв Шапел, Крис Рок... Сепак, убедливо најјак момент е кога зад бубњевите седна синот на Тејлор, 16 годишниот Шејн. Ежење.

„Постои ненормално гласно и постои гласно кое те носи во болница. Ние секогаш бевме на линија меѓу тие две нивоа“, вика бубњарот од легендарното трио на покоен Леми, банда која сакаше да свири на 120 децибели, баш онаму каде што звукот почнува да боли.

Фамозниот и семоќен аутотјун им даде изговор на илјадници неталентирани луѓе да се претставуваат како пејачи и истовремено ја сјеба не само музиката туку и ќеифот на слушање музика бидејќи тоа е брате, неподносливо. Како звучи и што може аутотјун? Ќе ви покажеме. 

Човек не може да забележи колку бугарската музика е преполна со мотиви за секс, ебавање и слично (слично како што неслободни народи пејат за слобода). Еве едни двајца матори рокери, кои изгледаат како ликови што биле елиминирани уште во првиот круг на аудиција за Скорпионс. Нормално, во коментари има викаат дека се „страхотни“. Оф.

The Pennywhistlers се американска пејачка група од 60-тите години, формирана од фолклористката Етел Раим, особено заинтересирани за музиката од источна Европа. Одбираме една наша, македонска песна во нивна изведба. Добри се. Замислете како би звучеле XXL да пееја некоја стара чирокеска. 

Метал химната и една од песните што ја обележи Металика како група „Master of puppets“ се појави во една сцена од 4-та сезона на Стрејнџер тингс, по што се најде на 1-во место на рок листата на Ајтјунс, и на 29-то место на вкупната листа, додека на Спотифај е на 12-то на американската листа и 26-то на глобалната.

Би ве охрабриле да чуете бар нешто од ова получасовно мачење со ветување дека Мирко Попов не пее, ама сепак ќе дојдете до еден вокал, на лик со голем бас во рака и уште поголем неталент во грло. Волку брука и резил во туѓо име одамна не сме осетиле.

Во Мадрид и Шпанија Ролинг Стонси ја почнаa јубилејната турнеја со која обележуваат шест децении тркалање на камењата. И пазете, денес, во 2022 година, за првпат во живо изведоа песна која ја имаат објавено уште во 1966 година. Ете со каков моќен арсенал муниција располагаат старките. Ја знаете песната, добра една.

Оние тетовирани неухранети ТикТок јадници Ајланд Бојс, доста бучно дојдоа на Хаваи. Најјаки. Не мина многу време, некои локалци прописно ги исќофтаа и им ги испоукрадоа златните ланци. Многу се бре греови. А вежбаа, не дека не.

212 години откако беше напишана „Für Elise“ композицијата на Лудвиг Ван Бетовен добива неочекувана реинтерпретација. Некој го свртел нејзиниот нотен запис и го свири така, наопачки. И сами ќе дојдете до заклучок дека како и да го свртиш, Бетовен звучи генијално.

Џек Вајт демонстрира еден импресивен скриен талент. Дечкото може да погоди за која песна од Битлси се работи и за тоа му е доволно да слушне само една секунда од песната. Има луѓе што вака знаат и за Аца Лукас, ама тоа е сега друг проблем. 

Се вика Френк Тедеско и на луѓето или им изнудува или насмевка или пак паѓање на вилицата. Затоа што им исполнува музичка желба, тоест им свири песна по нарачка. Ако не ја знае, ќе ја побара на Јутјуб, ќе ја чуе и ете му ја во прсти. Жестоко талентиран.

Зборувајќи за чувстото што го има кога ја снимаат песната, Рик Рубин вели: „Кога имаш 20 години и зборуваш за каење е тажно, ама е тажно на сосема друг начин. Бидејќи имаш цел живот за да сфатиш како треба. Кога гледаш наназад на својот живот, на крајот од својот живот, со каење, тоа е брутално.“

За време на концертот во преполната О2 арена, Ханс Зимер направи пауза за да му оддаде почит на украинскиот пијанист кој во Лвив под звукот на сирените за тревога за воздушен напад ја свири нумерата од „Инсепшн“ од 2010.