Off Café › Набрзинка

Трагичната љубовна приказна на Лаза Костиќ и Ленка Дунѓерски

9 декември 2021

Една од најпотресните и трогателни љубовни приказни за кои слушнала Србија - големиот Лаза Костиќ и Ленка Дунѓерски, ќерка на неговиот кум. На семејството му била гордост и уште во тие 1890-ти била нашетана, свирела клавир и зборувала неколку јазици.
Во нејзиниот дневник, Ленка ќе напише:
„Денес го видов прв пат. Оди гордо и има принцовско држење. Со бушава коса е, извиени мустаќи што веќе оддаваат некаков театарски ефект, очите округли и испупчени, во кои се гледа голема умност и душевна длабочина…“
Се дружат и се гледаат со години, но тој постојано ја одбива, велејќи дека е стар за неа. Живеел во манастирот Крушедол, па на предлог на таткото на Ленка, се оженил со некоја друга жена.
Дневникот потоа:
„Готово е сѐ. Тој се ожени! Можеше ли да биде посвиреп? За кум го викна татко ми! Совршено злосторство, без траг. Но, зошто? Што лошо направив? Зошто се ожени за богатство и само за тоа? Слушам, не е ни убава, ни млада, само миразџика. Зар на тоа спадна мојот голем поет и сите негови и мои идеали? Отиде мојата среќа. Што ќе ми е сега и животот?
Веста за смртта на несудената љубов, Лаза Костиќ ја примил во Венеција. Отишол во црквата Санта Марија дела Салуте да се моли и да бара прошка. Веројатно во тој момент, во неговата измачена душа се јавуваат првите стихови од песната која ќе ги вообличи тие цели 14 години по смртта на Ленка по кои и самиот ќе ѝ се придружи. Така настанува Santa Maria della Salute, најубавата љубовна песна напишана на српски јазик, крик и очајнички плач за изгубената љубов на Лаза Костиќ и Ленка Дунѓерски.

извор

Им поминува ли модата на ултра-скапите чанти?

28 септември 2026

Авторката Кејт Листер остро ја критикува чантата Биркин на Ермес како еден од најекстремните симболи на раскош и економска нееднаквост. Вели, чантите чинат десетици илјади фунти, а ретките примероци и стотици илјади, а нивната огромна цена не е оправдана со функционалноста, туку со престижот и желбата да се покаже богатство.
Мета на критика е и културата околу сето тоа, промовирана од славни личности, инфлуенсери и ултрабогати луѓе. Според неа, апсурдот не е само во тоа што една чанта може да чини повеќе од годишната плата на медицинска сестра, туку и во фактот што ваквото расфрлање со богатството се слави како статус и успех, наместо да предизвикува непријатност во време кога многу луѓе живеат во сиромаштија.
Смета дека Биркин можеби го губи статусот на престижен предмет бидејќи станала премногу присутна во културата на славните и почнала да се смета за кич. Посакува свет во кој луѓето ќе се гордеат со огромни донации каде што се потребни, не со фотографии каде што држат луксузни чанти.

извор

Изводливо ли е човек кај нас да си се повлече во село?

28 септември 2026

Авторот Бен Коб, по години поминати во Лондон како уредник и писател, во 2024 година со сопругата се преселил во Котсволдс, иако првично нивната стара куќа од 1605 година требало да биде само викендичка. Реновирањето било многу поскапо и покомплицирано од очекуваното, но тие успеале да го зачуваат карактерот на историскиот дом, со антиквитети, стари ткаенини, тапети и внимателно избрани бои.
Најголемото изненадување бил новиот живот во малата заедница. Наместо очекуваната изолација и мир, Коб и сопругата стекнале нови пријатели и откриле дека селото има богат социјален живот, со вечери, коктели, отворања на ресторани и дури и повремени забави во штала. Токму преку новите познанства се родила и идејата за негова нова машка модна колекција инспирирана од животот во Котсволдс.
По две години, Коб вели дека преселбата целосно му го променила животот. Почнал да се занимава со градинарство и пилатес, пронашол чувство на смиреност што долго му недостигало и, парадоксално, почнал уште повеќе да го цени Лондон.

извор