Off Café › Набрзинка

Шон „Диди“ Комбс обвинет за сексуална злоупотреба на 120 лица

3 октомври 2024
  • Меѓу тие 120 има 25 малолетници.
  • Познат адвокат од Тексас во моментов работи со 120 души со различни тужби за сексуална злоупотреба против Диди, кои веќе се пречешлани и проверени.
  • „Кога сме кај возраста на жртвите кога се случило делото, шокантно е,“ изјави адвокатот на прес конференција. „Најмладата жртва за време на злоупотребата имала девет години. Има човек што тогаш имал четиринаесет. Има жртва што имала петнаесет.“ 
  • Деталите се страшни - од шетање по забави, дрогирање па злоупотреба, до ветување музичка кариера „ако одат со него на само“.
  • Комбс категорично одрекува.
извор

ТикТок, Ендру Тејт и по некоја шега не се вистинската мизогинија

30 август 2026
  • Во есеј за Спајкд, Џорџина Мамфорд расправа дека политичарите се премногу фокусирани на културолошка, или онлајн мизогинија - како Ендру Тејт, мажосферата, токсичната машкост или сексистичкиот јазик на социјалните мрежи - а никако да се справат со реално насилство против жени и девојки.
  • Појавата ја нарекува митска мизогинија - нејасни културолошки ставови што тешко се мерат, а се наоѓа наспроти материјалната мизогинија што и тоа како ја има - силување, сексуални напади, семејно насилство, убиства за чест, итн. Главниот аргумент е дека владините кампањи и часовите во школо нема значајно да го намалат сериозното насилство ако полицијата и судовите не ги гонат злосторниците и не ги заштитат жртвите.
  • Со една реченица, доста ги третираме ТикТок, Ендру Тејт и сексистичките шеги како главниот проблем со мизогинијата - вниманието треба дасе насочи кон реално, постоечко насилство и на институционалната нефункционалност што го дозволува.
извор

Загубената уметност на бивање инвентар во кафич

14 август 2026
  • На Есквајер се појави еден шармантен текст, за едно добро што го губиме - да одиш каде што те знаат, а тие околу тебе навидум да немаат врска со тебе. А имаат, паметиме многу добро.
  • „Во Гертруд запознав група на луѓе што може никогаш не би ги видел надвор од ѕидовите на ресторанот. Заедница во најбазична смисла - не е дома, не е работа и не мора да значи дека е приватна, но е искуство што радо го бирам. Во време кога постојано, можеби потсвесно сами го бираме нашиот светоглед и алгоритам во хипер-персонализирани меури, да запознаеш некој што не е на твоја возраст, што не плаќа исти даноци како тебе, што не живее во истиот дел од интернетот како тебе - тоа ни е потребно сега повеќе од кога и да е.“

  • Дали онлајн резервациите, хајпот на социјалните мрежи, долгите редици и апликациите за испорака на храна отсекогаш до толку нè изолирале едни од други?

извор

Штета ако сте пропуштиле

Оваа работа бара изолација

Постигнат компромис околу имињата на училиштата

Пофалба на обратноста

Плаво око за 20 секунди