Не се мешаме во изборната понуда која ќе ја видите во рекламниот простор на нашиот сајт (а таму ќе се најдат сите кои биле доволно паметни да закупат простор), ама па и ние сме луѓе, плус наш е сајтот и затоа, без ич да ни чуе, си даваме право на наши фаворити и изборни миленици. На самиот почеток на оваа кампања, го издвојуваме уникатниот лик од Битола, надалеку прочуениот Шварценегер од Широк Сокак, Паљото, и неговиот прв спот кој може да оди под работен наслов: "Паљото е мајка на знаењето".

Словенечка телевизија прави прилог за немирите во Скопје, предизвикани со назначувањето на Талат Џафери и сè што потоа следеше. Фино, балансирано и неутрално, сè додека не дојде време да проговори - Талат Џафери. Гласовите ги позајмија - Бранко од К-15!? Ако не е дубара на некој локален сеирџија монтажер, тогаш ќе заќутам од смеење!

Значи стварно се изнасравме на сè што годинава се случува околу Евровизија. Не дека нема за што: ем тоа песната помпезна (замислите Турчин пред ТВ кога сфаќа дека НИЕ пееме за империја), ем спотот крајно лош, ем да ја трошиш Есма со таква песна е како да ја имаш Мерил Стрип за еден филм а ѝ даваш да ти глуми во "Македонски народни приказни". Одиме со верзија од читател кој додал дополнителни вокали и заменил пар кадри кои по него подобро ја претставуваат состојбата во нашата земја.

Интервју со првата жртва на затруеното млеко. Контаминираните млечни производи предизвикуваат два главни симптоми: подригнување (на цела фамилија) и непрестана желба за зборење.