Чујте ја оваа „дебата“ па ќе ви стане јасно зошто привремено ја преименуваме нашата рубрика „Стигнавме на дното“. Накратко, „дискусијата“ финишира со „поента“ дека Јонуз на Камиловски му нарачува слика која ќе се викала „Брала мома јагоде, а нешто је убоде“. Што??? Е, што де.

Една новинарска сторија треба да има глава, тело и опашка а кога се работи за визуелен медиум, фино е за сето тоа да се има и текст и слика. Освен за оние делови од прилогот за кои не мора да се има текст.

Бесмртни се историските моменти кои биле фатени на телевизија. Америка го има убиството на Кенеди и нападот на кулите близначки, за Романија тоа е падот и егзекуцијата на Чаушеску, за Германија рушењето на берлинскиот ѕид. За да не бидеме ние покусо, се погрижи Македонија пат и нивната пила.