Македонија знае да биде толку непосредна, да не можеш да не го сакаш тоа! Интервју за Бостан Фест, со некој кој упаѓа среде муабет ама бива брзо решен.

Уште самовилите не ни се смириле од комплетна зачуденост од интевјуто со светскиот истражувач, астролог, претскажувач и помагач на луѓето кого го служат ангели (комада 7) и Самовили (47!), господинот Мустафа веќе стана зрел за наслов околу македонската политика и иднина.

Седнавме да прегледаме еден текст. Неколку редови подоцна, со наведната глава се соочивме со вистината - има многу подобри од нас. Ова што изворно ви го пренесуваме, е досега невиден судир на една новинарска сила и вонсериски соговорник "предвидувач" (кој веројатно го има предвидено и овој текст). Сакавме нешто да издвоиме, ама не може, ова во целина е ремек дело.

Бреј, на ова му се израдував како што Паско Кузман би се израдувал да ископа камено дилдо од времето на Александар. Блок реклами пуштани на МТВ пред 20-тина години, инклудинг: сендвичи Генерација М, Билтен БС, слоган на Вечер кој денеска важи уште повеќе ("Само со Вечер можете да ја амортизирате кризата"), трејлер за Тесна кожа, Жито Лукс со француски шмек, Југотрговија (која е таа женска?), лото со динарска награда, "И во зима и во лето, ефтино а квалитетно" (Ангрокожа).... Драгоцено културно наследство!