Огласна табла во „Таверна Пуно“. Авторот е легенда, позната од Македонија до Холандија.

Објавивме еден „богат и славен“, натопорен пред самиот влез на Театар Комедија, ни ступче ни црвена лента му била проблем. Некој друг од истиот тој ков, го видел тоа и што, решил да побара пристојно паркинг место? Не, туку да извади таблица, за да не му зборат дека е глуп. А ќе му зборат и вака, верујте.  

Учебник по историја за осмо оддeление, даден за користење во охридско училиште. Ама, бесплатно!

Спојлер: Збирот на аглите во триаголник е 190. Кој мисли поинаку е против ЕУ и НАТО.

Книга која во Германија (конкретно Франфурт) ја делат на деца на дојденци, за да научат некоја песничка и на јазикот на нивните родители. Македонскиот го нема никаде (пошто бетониран) ама затоа има занимливи гео-политички новитети.

Почитувани, во прилог ви праќам фотографии од Бирото за развој на образовaнието во Битола. Состoјбата не е од денес, очигледно со години не е чепната. Ниеден министер за образование, ни сегашен ни бивши, не лежи в затвор за ова, ниту пак за немање учебници со години.

Симе Симев решил да го продава својот италијански радио касетофон (најнова технологија). Но, Симе тоа не го прави како другите, ќе стават цена па после малку ќе се ценкаат. Не! Кај Симе цената е фиксна ама затоа нуди несоборливи докази за она што го тврди, дека радиото не троши струја. Плус фаќа радио Белград, Ниш и Лондон (каде зборуваат англиски). Посветеност левел 100!

Отишол во Театар Комедија, слатко да се изнасмее на човечките глупости.

Ова е најелаборираниот оглас кој сме го виделе во животот (имаме уште неколку на лагер, ама овој е нај). Околу цената (101.000 евра) нема попуштање, а понудата важи само до Божиќ. Нивата е идеална не за една туку за две хидроцентрали и тоа со потисок. Таман кога ќе го разгледате капацитетот и мегаватите и мислите дека сте разбрале, доаѓате до - костените!