На Јутјуб песни обично се наведува а) име на изведувачот и б) име на песната. А кај ова стои следново: „Сал јас во ИЛА“ Зета Македонија Северен Цут - Невада Winnemucca USA - Митологија. Па вие видете што е цут, што Невада... А текстот еден певлив, одма под кожа влегува.

„Само јако!“ е предизборен слоган на оној српски заебант Бели. Ама, во наши маала тој слоган важи и кога се средува кола пред зграда. Па стварно, да имаш таква песна, а да не ја рокнеш?

Замислете во институција во која се дели правда да треба на вработените да им напишеш дека е нефер да крадат од колегите. Отприлика на тоа ниво е и овој туторијал од едно наше јавно претпријатие. Ако тие не знаат како со својата канализација (па им треба детално упатство до каде да ги спуштат гаќите), Господ нека ни ја чува заедничката. Дур не сме се удавиле.