Со дистанца од 25 години, ова изгледа и многу надреално и многу реално. На оние што тогаш им било убаво, сега ќе им изгледа уште поубаво. Исто и за оние кои тогаш им изгледало глупо. Чешка почна со концерт на Лу Рид, ние пречекавме ултимејт ѕвезди на тв сапуница. Егзалтации, шегобијни Мирчевски, Димитриевски и Печијаревски и неверојатни прашања од публика.     

Среде сеопшта енергетска криза, кога Владата советува да се плакнеме кратко (небањати ли ќе одиме во ЕУ?), црквата на Илинденска е осветлена како да е на забар. А Господ и онака гледа сè, чуму му се онолкави рефлектори?

Фала, ФИТР.

Се зборува дека на човек му се потребни 200 дена за да го прошета Лувр. Не и за него. Нему од прва му е јасно дека градот на вљубените е „жива курветана“, дека сè е сиромаштија и дека таму е цела Африка. „Liberté, égalité, fraternité?“ Ма не. „Башибозук!“ - ќе пресуди овој суптилен и неподмитлив рецензент на француската култура.

Од Малешнет:
„Општина Пехчево заврши со поставување на нов пешачки мост кој ги поврзува булеварот (????) "Равен" и улица "Индустриска".